O La’u Malaga Muamua i le Malumalu
Hola! O au o Elena. O lo’u taimi muamua lea e alu ai i le malumalu.
I ni nai vaiaso ua tuanai, sa ou feiloai ai ma lo’u epikopo. Sa ia fesili mai ia te au i nisi o fesili e fesoasoani ai ia mautinoa ua ou saunia e alu i le malumalu. (E mafai ona e faitau i fesili o loo i le itulau 35!) Ona ia tuuina mai lea o la’u pepa faataga o le malumalu.
Ua matou sauni e o. Sa fai ou ofu lelei o le Aso Sa. Sa ou teuina foi ni mea e fai ai lou lauulu pe a susu. Ma sa ou faamautinoa o loo ia te a’u la’u pepa faataga. O lea la ua matou o e pue le pasi!
Ae a le malumalu lale! E ese le matagofie.
Pe a ou savali i totonu o le malumalu, ou te lagona le toafilemu. Ou te faaali atu la’u pepa faataga i le tagata faigaluega lelei o le malumalu i le kesi i luma. O se isi tagata faigaluega o le malumalu na te aumaia ia te au se ofu soloatoa paepae. Ou te alu i le potu sui ou te sui ai.
Ona ou faatali lea mo lou avanoa e papatiso ai. Pe a oo i le taimi o lo’u tuagane, ou te tu i le vai e avea ma se molimau. Ou te faamautinoa o loo alu uma lona tino i lalo o le vai.
O lo’u taimi lenei! O le vai e mafanafana. Ua ou papatiso nei mo ni nai tagata.
Pe a ou alu ae i fafo mai le vai, o se tagata faigaluega o le malumalu na te tu’umaia se solo. Sa ou taele faamama i le potu e fai ai laei ma toe sui i o’u ofu o le Aso Sa. Pe a ou sau i fafo, e ave au e se tagata faigaluega o le malumalu ina ia faamauina mo tagata ua uma ona papatisoina.
O lou taimi i totonu o le malumalu e matua faapitoa! Ua ou fiafia sa mafai ona ou fesoasoani i isi e ala i le papatisoina ma faamauina mo i latou. Ua le mafai ona ou faatali e toe fo’i vave atu.
Ata na tusia e Rachel Hoffman-Bayles