Si‘i Ngaahi Kaungāmeʻa,

ʻOku meimei hokosia e Kilisimasí! ʻOku fakamanatua ʻe he fānau ʻi he funga ʻo e māmaní ʻa e ʻaloʻi hotau Fakamoʻui ko Sīsū Kalaisí. Te ke lava ʻo lau ʻi he Kaumeʻa ko ʻení fekauʻaki mo e Kilisimasi ʻi Siapaní (peesi 4), Mali (peesi 8), mo Mekisikou (peesi 20). Te ke lava foki ʻo ngaohi ha ngaahi meʻa fakameaʻa faka-Kilisimasi mei he ngaahi fonua kehé (peesi 34).

Fakamālō atu ʻi he ngaahi meʻaʻofa kotoa ʻo e ʻofá kuo mou foaki ʻaki homou nima fie tokoní he taʻú ni. Kātaki ʻo ʻomi maʻu pē ha ngaahi talanoa ki he founga ʻokú ke feinga ai ke tokoni, ʻo hangē ko ia ne fakahoko ʻe Sīsuú. ʻOku mau hanganaki atu ke vakai ki ha ngaahi talanoa lahi ange meiate kimoutolu he taʻu foʻoú!

ʻOfa ke mou maʻu ha Kilisimasi Fiefia!

Ko e Kaumeʻá

Ngaahi Meʻa Teuteu Kilisimasi Ngaohi mei he Toú

Naʻá ku ngaohi mo hoku ngaahi tuongaʻané ha ngaahi meʻa teuteu Kilisimasi mei he toú (Tīsema 2020) pea foaki fakafufū ha niʻihi ki homau kaungāʻapí. Naʻa mau fiefia ai ke ʻofa ʻi homau kaungāʻapí ʻo hangē ko ia naʻe akoʻi ʻe Sīsuú.

Mele F., ta‘u 10, ‘Ilinoisi, USA

Feituʻu ‘Oku Ou Lau Ai ʻa e Kaumeʻá

ʻOku lau ʻe Seiloni H., taʻu 3, ʻa e Kaumeʻá ʻi he lea faka-Pilitāniá ʻi Dar es Salaam, Tenisenia!

ʻOku Mau Saiʻia ke Sio ki he Temipalé

Naʻe ʻaʻahi ʻa Taniela mo Samuela B., taʻu 4 mo e 6, ki he Temipale Johannesburg South Africa.