Haʻu, ʻo Muimui ʻIate Au
Taimi Fiefia ʻI he Folofolá ma‘á e Fānau Īkí
ʻOku ʻalu fakataha ʻa e ngaahi fakakaukau ko ʻení mo e Haʻu, ʻo Muimui ʻIate Au—ma‘á e Fakafoʻituituí mo e Ngaahi Fāmilí ʻi he uike takitaha.
Ki he Tokāteline mo e Ngaahi Fuakava 137–138: Fakahoko ha talanoa fekauʻaki mo ha mēmipa ʻo e fāmilí pe kaungāmeʻa kuo mālōloó. Tā leva ha fakatātā ʻo kinautolu! Tokoniʻi hoʻomou fānau īkí ke nau pehē, “Te u toe feʻiloaki mo e niʻihi ʻoku ou ʻofa aí.”
Ki he Tefito ʻo e Tuí: Fili ha tefio ʻo e tuí. Kole ki hoʻomou fānau īkí ke nau angimui ki he ngaahi leá ʻi hoʻomou lau leʻolahi iá. Tokoniʻi hoʻomou fānau īkí ke nau pehē, “ʻOku akoʻi mai ʻe he folofolá ha ngaahi meʻa lelei kiate au.”
Ki he “Ko e Fāmilí: Ko ha Fanongonongo ki Māmani”: Tā e laʻinima ʻo e mēmipa takitaha ʻo e fāmilí ʻi ha laʻipepa. Hili iá pea kosi kinautolu ʻo toʻo. Fokotuʻutuʻu fakaʻotu kotoa e ngaahi nimá. Talanoa fekauʻaki mo e founga ʻoku hoko ai ʻa e fāmilí ko e konga ʻo e palani ʻa e ʻOtuá. Tokoniʻi hoʻomou fānau īkí ke nau pehē, “ʻOku mahuʻinga hotau fāmilí!”
Ki he Kilisimasí: Fakaʻaliʻali ha tā ʻo Sīsū Kalaisi pea hivaʻi ha himi pe hiva Palaimeli fekauʻaki mo Ia. Vahevahe ʻa e ongo ʻokú ke maʻu fekauʻaki mo Sīsuú. Tokoniʻi hoʻomou fānau īkí ke nau pehē, “ʻOku ou ʻofa ʻia Sīsū!”
Ngaahi tā fakatātā ʻa Alessia Girasole