Kaumeʻa ki he Kaumeʻa
ʻUhinga ʻOku ou Saiʻia ai ʻi heNgaahi Tefito ʻo e Tuí
ʻI heʻeku kei siʻí, naʻá ku saiʻia ʻi he Palaimelí. Naʻá ku saiʻia ke lau e Ngaahi Tefito ʻo e Tuí. Naʻa mo ʻeku kei siʻí, naʻe lava pē ʻo mahino ia kiate au. Kuo tāpuekina au ʻi heʻeku moʻui ʻaki kinautolú.
Ko e taha ʻo e meʻa ʻoku ou saiʻia taha aí ko e tefito ʻo e tui hono hongofulu mā tolú. ʻOku ou saiʻia ʻaupito he ʻuluaki foʻi lea ʻe nimá. ʻOku nau pehē, “ʻOku mau tui ʻoku totonu ke faitotonu.”
ʻOku ou manatuʻi hono akoʻi au heʻeku tangataʻeikí fekauʻaki mo e faitotonú. Naʻá ne kamata ʻi heʻeku kei siʻí. Naʻá ne ʻomi haʻane meʻa ke u tokangaʻi maʻana. Pea naʻá ne toki ʻeke mai kimui ange pe naʻá ku kei maʻu ia. Nae fakafiefia ke pehē, “ʻIo, Teti, ʻoku ou tokangaʻi lelei ia.” ʻI he foungá ni, naʻe akoʻi ai au ʻe heʻeku tangataʻeikí ke u faitotonu pea fai e meʻa ne u lea ʻakí.
ʻOku akoʻi mai ʻe he tefito ʻo e tui hono hongofulu mā tolú ke tau hoko ko e kau muimui moʻoni ʻo Sīsū Kalaisi. ʻOku ou fakaʻamu ʻe ako pea moʻui ʻaki ia ʻe he tamasiʻi mo e taʻahine kotoa pē.
Kātaki ʻo vahevahe ʻa e Ngaahi Tefito ʻo e Tuí mo ho fāmilí mo e ngaahi kaungāmeʻá. Talaange ʻa e founga ʻoku tokoniʻi ai koe ʻe he Ngaahi Tefito ʻo e Tuí ʻi hoʻo moʻuí. ʻOku ou ʻiloʻi ko e taimi te ke fakahoko ai iá, te ke maʻu ha maama lahi ange ʻi hoʻo moʻuí. Te ke hoko foki ko ha maama ki he niʻihi kehé.
Ngaahi tā fakatātā ʻa Becky Davies