Ngaahi Nima Fie Tokoni ‘i he funga ʻo e Māmaní

Feʻiloaki mo Uiliate mei Pulunitī

Fe‘iloaki mo e fānau Palaimeli ʻoku nau tokoniʻi e ni‘ihi kehé, hangē ko ia naʻe fakahoko ‘e Sīsuú.

Ngaahi me‘a kotoa fekauʻaki mo Uiliaté

Taʻu motuʻá: 12

Mei: ʻOku haʻu hono fāmilí mei Pulunitī ka ʻoku nau nofo he taimí ni ʻi ʻIutā, USA

Ngaahi Lea Fakafonuá: Faka-Pilitānia mo e Faka-Kilunitī

Fāmili: Tamai, faʻē, tuongaʻane siʻisiʻí, mo e ongo tuofefine ohi

Ngaahi taumuʻá mo e fakaʻānauá: 1) Hokohoko atu e ʻalu ki he akó, ako, mo ifi e fulutá. 2) Hoko ko ha tokotaha vaʻinga keimi vitiō fakapalōfesinale pe palesiteni ʻo ha kautaha.

Ko e Ngaahi Nima Fie Tokoni ʻa Uiliaté

Willard and his brother washing dishes together

ʻOku tokoni ʻa Uiliate ʻi ʻapi ʻi hono fai e ngaahi ngāué, akoʻi hono ngaahi tokouá mo e tuofefiné, mo e lau folofola mo hono fāmilí. ʻOkú ne tokoni ʻi he lotú pea ʻi hono koló. ʻOku saiʻia ʻa Uiliate ke tokoni ʻi ha faʻahinga taimi pē ʻoku kole ange ai.

Ko e fāmili ʻo Uiliaté ko e kau kumi hūfanga. Naʻe pau ke nau mavahe mei honau fonuá. ʻOku nau saiʻia ke tokoniʻi e kakai ʻoku nau feohí mo tokoni foki ki honau fāmili ʻi Pulunitií.

ʻI ha Kilisimasi ʻe taha, naʻe vahevahe ai ʻe ha kaungāmeʻa ha hina koini mo Uiliate mo hono fāmilí. Naʻa nau fakakaukau ke vahevahe ʻa e koiní mo ha taha kehe ke tokoniʻi kinautolu! Naʻe pehē ʻe Uiliate, “Ko Sīsū ʻa e ʻAlo ʻo e ʻOtuá. Naʻá Ne fakahaaʻi mai ʻokú Ne tokanga ki he kakaí ʻaki ʻEne tokoniʻi kinautolú.”

Ngaahi Meʻa ʻOku Saiʻia Taha ai ʻa Uiliaté

Feituʻu: Ngaahi paʻake fakafiefiá

Talanoa fekauʻaki mo Sīsuú: Ko e taimi naʻe fafanga ai ʻe Sīsū ʻa e kakai fiekaiá ʻaki ha mataʻi ika mo ha ngaahi foʻi mā

Hiva Palaimelí: “Fānau Au ʻa e ʻOtuá” (Tohi Hiva ʻa e Fānaú, 2–3)

Meʻakai: Pisa mo e laise mo e piini

Lanu: Kulokula

Lēsoni ‘i he akó: PE mo e saienisi