Fesoasoani e Pei o Iesu

Sa Aapa Atu Iesu i Isi

A o laitiiti Iesu, sa lei saogalemu mo Lona aiga le nonofo ai i Iutaia. O lea na tuua ai e Maria, Iosefa, ma Iesu lo latou fale ae o atu i Aikupito. O i latou o ni tagata sulufai.

Sa malamalama Iesu e uiga i le le auai. Sa ia aapa atu i tagata uma, e tusa lava pe le faia e isi. Sa Ia faamaloloina lepela ma ai faatasi ma tagata agasala. Sa ia faaalia le alofa i tagata uma.

E mafai ona e faitau i nei tala i le Mataio 2:13–21, Mareko 1:40–42, ma le Mataio 9:10–13.

O nisi o a‘u uo fou e o mai mai Afghanistan. E ese lo latou lelei. I le Kerisimasi, sa matou aveina atu ni peleue fou ia i latou. Sa matuai fiafia lava i latou i le le toe maalili. Ae o le mea e sili ona taua, sa latou fiafia e iloa e lei faagaloina i latou.

Camdyn L., 8 tausaga, Uosigitone, ISA

E Mafai Ona ou AAPA Atu i Isi

• O ai e te iloa e manaomia se tasi e aapa atu ia i latou?

• Fai se tatalo ma fai se fuafuaga e fesoasoani ai ia i latou.

• Fai lau fuafuaga!

• Oti ese le kata lenei e faamanatu ai ia te oe ia faaauau pea ona fesoasoani e pei o Iesu.

O faapefea ona e taumafai e fesoasoani i isi, e pei ona sa faia e Iesu? Tusi ma ta’u mai ia i matou.

Ata na tusia e Harry Anderson