Sau, Mulimuli Mai ia te A’u

Taimi Fiafia i Tusitusiga Paia

O nei manatu e o faatasi ma le Sau, Mulimuli Mai ia te A’u—mo Tagata Taitoatasi ma Aiga i vaiaso taitasi.

O Lo Tatou Aiga Faalelagi

Usu le “Pe na Toe Soifua Moni Mai ea Iesu?” (Tusipese a Tamaiti, 45).
A o talavou Iosefa Samita, sa maliu lona uso o Alavini. Mulimuli ane, sa maua ai e Iosefa se faaaliga o le a alu Alavini i le malo selesitila. Ona na maliu Iesu Keriso ma sa toetu mai, ua mafai ai ona tatou toe nonofo faatasi ma o tatou aiga pe a mavae lo tatou oti ma toetutu mai.
Faitau le Mataupu Faavae ma Feagaiga 137:1–5. O le a sou mafaufau pe o le a faapei le malo o selesitila? Feauauai i le fai atu o upu e faamatala ai. Ona tusi lea o se ata o lou aiga ma le Tama Faalelagi ma Iesu.

O Mataupu Faavae o le Faatuatua ma Folafolaga Aloaia 1 ma le 2

Usu le “Na Ia Auina mai Lona Alo” (Tusipese a Tamaiti, 20–21).
O Mataupu Faavae o le Faatuatua e aoao ai mea tatou te talitonu ai. Sa tusia e Iosefa Samita Ia Mataupu Faavae o le Faatuatua e faamalamalama atu ai le talalelei i isi.
Faitau le “Aisea Ou Te Fiafia ai i Mataupu Faavae o le Faatuatua” i le itulau 26. Oti ese li‘o e 13 e fai ai ni meateuteu pepa. Faanumera ia li‘o mai le 1 i le 13. Ona tusi lea o se mea i le isi itu e faamanatu atu ai ia te oe lena mataupu faavae o le faatuatua. E mafai ona e tautauina i luga o lau laau Kerisimasi po o se isi nofoaga i lou fale. A o e tautauina mea teuteu taitasi, fai atu le mataupu faavae o le faatuatua e o faatasi ai.

Mo le “O Le Aiga: O Se Folafolaga i le Lalolagi”

Usu le “O Le a Ou Mulimuli i le Fuafuaga a le Atua” (Tusipese a Tamaiti, 86–87).
O Aiga o se vaega taua o le fuafuaga a le Atua. Fai mai le “O Le Aiga: O Se Folafolaga i le Lalolagi:” “E maua le fiafia i le olaga faaleaiga pe a faavae i aoaoga a le Alii o Iesu Keriso.” E mafai ona tatou faia o tatou aiga ia fiafia atili e ala i le mulimuli ia Iesu.
Ia fai se taaloga! Ia nonofo uma i se lio. Togi se polo po o se pepa ua nunumi faatasi mai lea tagata i lea tagata. A e togiina le polo i se tasi, tau atu ia i latou se auala se tasi na e vaai ai ia i latou o mulimuli ia Iesu e fesoasoani ai i se tasi o lou aiga ia lagona le fiafia.

Mo le Kerisimasi

Usu le “Sa Pepese Mai Agelu (Viiga, nu. 119).
“O Le Keriso Soifua: O Le Molimau a le Au Aposetolo” ua aoao mai ai i tatou o Iesu Keriso o “le malamalama, o le ola, ma le faamoemoe o le lalolagi.” Tatou te faamanatu le Kerisimasi ina ia manatua ai Iesu Keriso.
Faaaoga le gaoioiga o loo i le itulau 24 e faamatala ai le tala o le Soifua Mai o Iesu. Feauauai i le faaopoopoina o ata i lau vaaiga i le Soifua Mai o Iesu a o e faamatalaina le tala.

Ata na tusia e Katy Dockrill