Lima Fesoasoani i le Lalolagi atoa
Feiloai ia Willard mai Burundi
Feiloai i tamaiti o le Peraimeri o loo fesoasoani atu i isi, e pei ona sa faia e Iesu.
Mea uma e uiga ia Willard
Tausaga: 12
Mai: O lona aiga e o mai mai Burundi ae o loo nonofo nei i Iuta, ISA
Gagana: Igilisi ma le Kirundi
Aiga: Tama, tina, uso laitiiti ma tei tausi e toalua
Sini ma miti: 1) Faaauau pea ona alu i le aoga, aoaoina, ma le taina o le pu fuluta. 2) Avea ma se tagata taalo vitio faapolofesa po o le peresitene o se kamupani.
O Lima Fesoasoani a Willard
I le fale, e fesoasoani Willard e ala i le faia o feau, aoaoina o ona tei, ma le faitauina faatasi ma lona aiga o tusitusiga paia. E auauna atu o ia i le lotu ma i lona aai. E fiafia Willard e fesoasoani i soo se taimi e fesiligia ai o ia.
O tagata o le aiga o Willard o ni tagata sulufai. Sa latou tuua lo latou atunuu. Latou te fiafia e auauna atu i tagata o siomia i latou ma fesoasoani foi i lo latou aiga o loo i Burundi.
I se tasi Kerisimasi, sa faasoa atu ai e se uo se fagu tupe siliva ma Willard ma lona aiga. Sa tonu ia i latou e faasoa atu tupe siliva i se isi tagata e fesoasoani ia i latou! Sa faapea mai Willard, “O Iesu o le Alo o le Atua. Sa Ia faaali mai ia i tatou e popole o Ia i tagata e ala i le auauna atu ia i latou.
O Mea e Fiafia i ai Willard
Nofoaga: Paka faafiafia
Tala e uiga ia Iesu: Ina ua fafagaina e Iesu tagata fiaaai mai ni nai i‘a ma potoi areto
Pese Peraimeri: “O Au se Atalii o le Atua” (Tusipese a Tamaiti, 2–3)
Meaai: Pizza ma le araisa ma pi
Lanu: Mumu
Mataupu i le Aoga: PE ma le saienisi
Ata na tusia e Violet Lemay