Uo i le Uo
Aisea Ou te Fiafia ai i Mataupu Faavae o le Faatuatua
A o ou laitiiti, sa ou fiafia ai i le Peraimeri. Sa ou fiafia e taulotoina Mataupu Faavae o le Faatuatua. E o’o fo’i i lo’u tamaititi, e mafai ona ou malamalama ia i latou. Ua faamanuiaina a‘u a o ou ola ai i lo’u olaga.
O se tasi o mataupu faavae o le faatuatua ou te fiafia i ai o le mataupu faavae lona sefulutolu o le faatuatua. Ou te fiafia lava i upu muamua e lima. E faapea mai, “Matou te talitonu i le faamaoni.”
Ou te manatua le ala na aoao ai a’u e lo’u tama e uiga i le faamaoni. Sa ia amata a o ou laitiiti. Na te tuuina mai ia te au se mea ou te tausia mo ia. Ona ia fesili mai lea ia te au i se taimi mulimuli ane pe o ia te au lava. Sa manaia le lagona o le faapea atu, “Ioe, Tama, o loo ou tausia lelei.” I lenei auala, na aoao ai au e lo’u tama ina ia faamaoni ma faia le mea na ou fai atu ai o le a ou faia.
O le mataupu faavae o le faatuatua lona sefulutolu ua aoao mai ai i tatou ia avea ma soo moni o Iesu Keriso. Ou te moomoo ia suesue i ai tama ma teine uma ma ola ai i mea o loo fai mai ai.
Faasoa atu le Mataupu Faavae o le Faatuatua i Lo’u Aiga ma Uo. Tau atu ia i latou le auala e fesoasoani ai Mataupu Faavae o le Faatuatua ia te oe i lou olaga. Ou te iloa a e faia, o le a tele atu le malamalama i lou olaga. O le a avea foi oe ma se malamalama mo isi.
Ata na tusia e Beckie Davies