Ina Ua Fanau Mai Iesu
Oti ese ata ma faaaoga e faamatala ai le tala.
I le Kerisimasi tatou te faamanatuina ai se tasi o mea aupito sili ona taua na tupu. Sa fanau mai Iesu Keriso!
Ina ua soifua mai Iesu, sa susulu mai se fetu fou i Peteleema. E faamanatu mai ai ia i tatou o Iesu o le Malamalama o le Lalolagi.
O Maria o le tina o Iesu. O Iosefa o lona toalua. Na la tausia lelei Iesu. E mafai foi ona tatou fetausiai le tasi i leisi. O i tatou uma lava o fanau a le Atua.
Sa ta‘u atu e agelu i leoleo mamoe e uiga ia Iesu. Sa o atu leoleo mamoe e vaai o Ia. E mafai ona tatou tau atu foi i isi e uiga ia Iesu.
O Au Makoi mai mea mamao sa mulimuli i le fetu fou susulu e sue ai Iesu. Sa latou tuuina atu ia te Ia ni meaalofa. E mafai foi ona tatou mulimuli ia Iesu!
Sa moe Iesu i se fale o manu lea sa nonofo ai manu. E faapefea ona e faia se avanoa mo Iesu i lou olaga?