Muimui Fakataha ‘ia Sīsū
Naʻe ngaohi fakataha ʻe ha Palaimeli ʻi Denbighshire, Uēlesi ʻa e fakatātā ʻo e ʻUluaki Mata Meʻa-Hā-Mai ko ʻení!
ʻOku ou lau fakaʻaho ʻeku folofolá ke ako ha meʻa foʻou. ʻOku ou ʻamanaki atu ki haʻaku ngāue fakafaifekau!
Rashad E., taʻu 10, West Virginia, USA
ʻOku ou loto-hohaʻa. Naʻe ʻomai ʻe heʻeku faʻeé ha ngaahi fakakaukau ke fakasiʻisiʻi ai, ka naʻe ʻikai ke mole ia. Naʻá ku lotua ha tokoni, pea naʻe kamata ke taʻofi ʻeku loto-hohaʻá!
Felix, G., taʻu 10, Kalefōnia, USA
Naʻá ku teuteuʻi ha puha pea fakafonu ʻaki ia ha ngaahi hina vai mo ha ngaahi meʻa fakamāfana maʻá e kakai tufa meʻa ʻoku nau ʻaʻahi mai ki homau fale nofo totongí. ʻOku ou feinga ke tokoni hangē ko Sīsuú!
Ellie Rose M., taʻu 6, Niu ʻIoke, USA
Naʻá mau ako fekauʻaki mo Sasikatesiuani ʻi he akó. Naʻá ku lava ʻo vahevahe mo hoku kaungā akó mo e faiakó ʻoku ngāue fakafaifekau ai hoku tokouá!
Sēkope S., taʻu 7, ʻAlapeta, Kānata
Naʻa mau ngaohi ha ngaahi vaka! Ko e taha ko ha vaka naʻe folau ai ʻema ngaahi kuí ʻi heʻenau hiki mai ki he ʻIunaiteti Siteití mei Suēteni ʻi he toʻu tangata ʻe ono kuohilí.
Aksel mo Declan M., taʻu 6 mo e 9, North Carolina, USA
Naʻá ku fanongo ki ha ngaahi lea kovi, ʻa ia naʻá ne ʻai au ke u ongoʻi taʻefiemālie. ʻI heʻeku aʻu pē ki ʻapí, ne u lotua ha tokoni ke ngalo ʻiate au ʻa e ngaahi leá. Ne tali mai ʻe he Tamai Hēvaní ʻa ʻeku lotú!
Emree H., taʻu 10, ʻOlikoni, USA
Naʻe ilifia ha taha ʻo hoku ngaahi kaungā akó ʻi he ʻalu ki he akó. Naʻá ku haʻu pongipongia he ʻaho kotoa pē ke tatali kiate ia ke ʻoua te ne tuenoa. ʻOku hanga ʻe heʻeku tokoniʻi e niʻihi kehé ʻo ʻai ke u ongoʻi fiefia he ʻoku ou muimui ʻia Sīsū.
Fang Z., taʻu 6, Hsinchu, Taiuani
Emmy S., taʻu 8, Misikeni, USA
Metiline H., taʻu 9, Ulanipatā, Mongikōlia
“Ko Hoku Fāmilí,” Janus C., taʻu 7, Niu Sauele, ʻAositelēlia