Kaumeʻa ki he Kaumeʻa

Tokoni Hangē ko Sīsuú

Fai ʻe Camille N. Johnson

Palesiteni Lahi ʻo e Palaimelí

girl pushing young boy in stroller

ʻI heʻeku kei ʻi he Palaimelí, naʻe kei valevale hoku tokouá, pea kei pēpē hoku tuongaʻané. Naʻe femoʻuekina ʻaupito ʻeku faʻeé ʻi hono tokangaʻi kinaua lolotonga e ʻahó, ko ia ʻi heʻeku foki mai mei he akó, naʻá ku tokoni kiate ia. Naʻá ku tuku hoku tuongaʻané ki hono salioté peá u toutou luelue holo pē mo ia ʻi homau poloká. Naʻá ma talanoa fekauʻaki mo e māmani fakaʻofoʻofá mo sio fakataha ki he fanga manupuná, ʻinisēkité, mo e fanga kiʻi manu lalata homau kaungāʻapí. Ko ha kiʻi meʻa siʻisiʻi pē, ka naʻe hoko ai ha liliu lahi! Naʻe tokoni ia ki heʻeku faʻeé ke ne ongoʻi fiefia mo mālōlō lelei. Naʻe tokoni ia ki hoku fāmilí kotoa. Ne hoko ia ko ha founga tokoni hangē ko ia ʻoku finangalo ki ai ʻa Sīsū ke tau fakahokó.

Te Ke Lava Fēfē ʻo Tokoni?

Jesus with children

ʻI hoʻomou hoko ko e fānau Palaimelí, te mou lava ʻo fai ha liliu lahi ʻi hoʻomou fanga kiʻi ngāue angaʻofa īkí. ʻI he taimi ʻoku mou fakaʻaongaʻi ai homou ngaahi nima fie tokoní ke tokoniʻi e niʻihi kehé, ʻoku mou fakafofongaʻi ai ʻa Sīsū Kalaisi. ʻOku mou tokoniʻi e niʻihi kehé ke nau ongoʻi ʻEne ʻofá.

Ako e ngaahi talanoa ʻo Sīsuú. Pea mou fehuʻi loto pē, “Ko e hā naʻe mei fai ʻe Sīsuú?” ʻOku ʻi ai ha kakai ʻoku mou feohi ʻoku nau fie maʻu tokoni. ʻOku ʻi ai hanau niʻihi ʻoku ʻi homou ʻapí pē, pe ʻi he kauhala ʻe tahá.

ʻI he taimi ʻoku mou fai ai ha fanga kiʻi meʻa faingofua ke tokoní, ʻe tokoniʻi kimoutolu ʻe he Laumālie Māʻoniʻoní ke mou ongoʻi fiefia. Te mou ʻilo naʻa mou fai ʻa e meʻa naʻe mei fai ʻe Sīsuú.

ʻOku mahuʻinga foki ke tali e tokoni mei he niʻihi kehé. ʻI he taimi ʻoku tokoniʻi ai kitautolu ʻe he niʻihi kehé, te tau lava foki ʻo ongoʻi e ʻofa ʻa e Fakamoʻuí kiate kitautolú!

ʻOku ou ʻofa atu! ʻOku ou ʻilo ʻoku ʻofeina kimoutolu ʻe Sīsū Kalaisi! Te mou ongoʻi ʻEne ʻofá ʻi he taimi ʻoku mou fakaʻaongaʻi ai homou ngaahi nima fie tokoní ke tokoniʻi e niʻihi kehé.

Hoko ko ha Konga ʻo e Timi ʻo e Ngaahi Nima Fie Tokoní!

• Lau ʻi he makasini takitaha ʻo e Kaumeʻá fekauʻaki mo ha kiʻi taʻahine Palaimeli ʻoku tokoni hangē ko Sīsuú (peesi 18).

• Ako fekauʻaki mo ha founga naʻe tokoniʻi ai ʻe Sīsū ʻa e niʻihi kehé (peesi 20) Hili iá pea kosi ʻo toʻo ʻa e kātí ke tokoni atu ki hoʻo ngāue tokoní.

• Vahevahe he taimí ni ʻa e founga naʻá ke tokoni ai ʻo hangē ko Sīsuú pe ko e founga ne tokoniʻi ai koe ʻe ha tokotaha! Fakafonu ʻa e peesi ʻi laló pea ʻomi ia kiate kimautolu ʻaki ha laʻitā pea mo ha fakangofua mei he mātuʻá. ʻAlu ki he takafi ‘i muí ke vakai ki he foungá.

Ko Ho‘omou Ngaahi Nima Fie Tokoní

Fekauʻaki Kotoa mo Koe

Taʻu Motuʻá:

Mei:

Ngaahi Lea Fakafonuá:

Fāmili:

Ngaahi Taumuʻá mo e Ngaahi Fakaʻānauá:

Fakamatala mai kau ki ha taimi naʻá ke tokoni ai ʻi ʻapi pe ʻi ho koló:

Ko e hā hoʻo ongoʻi ʻi he taimi ʻokú ke tokoniʻi ai e niʻihi kehé pe muimui ʻia Sīsuú?

Ko Hoʻo Ngaahi Manakó

Feituʻu:

Talanoa fekauʻaki mo Sīsuú:

Hiva Palaimelí:

Meʻakai:

Lanu:

Lēsoni ʻi he Akó:

Fakafonu ʻa e pēsí pea ʻave ia ki he Kaumeʻá.

ʻAve foki mo ha laʻitā, kapau te ke lava!

Page from the January 2022 Friend Magazine.

Ngaahi tā fakatātā ʻa Simini Blocker