Mālō e Lelei mei Siapani!

Kau fakataha mo Māko mo Paolo ʻi heʻena fononga takai ʻi he māmaní ke ako fekauʻaki mo e fānau ʻa e ʻOtuá.

Ko Siapaní ko ha motu ia ʻi ʻĒsia Hahake. ʻOku laka hake ʻi he kakai ʻe toko 126 miliona ʻi ai.

Ifo atu!

Ko ha meʻakai faka-Siapani manakoa ʻa e susí (sushi). ʻOku ngaohi ʻaki ia e laise, limu, ika, mo e ngaahi meʻa kehe.

Ko hai ʻokú ke nofo mo iá?

ʻOku tokolahi ha fānau Siapani ʻoku nau nofo mo ʻenau mātuʻá mo e ongo kuí fakatouʻosi.

ʻAho ʻo e Fānaú

Ko e ʻaho 5 ʻo Meé ko ha ʻaho mālōlō makehe ia ʻoku ui ko e ʻAho ʻo e Fānaú. ʻOku tautau ʻe he kakaí ʻa e koinobori (ngaahi fuka ʻoku fuo hangē ha iká) ke fakalāngilangiʻi ʻa e fānaú mo talamonū kiate kinautolu ha kahaʻu lelei.

ʻOkú ke fakaʻapaʻapaʻi fēfē nai hoʻo ngaahi kuí?

ʻOku fakamaʻa ʻe he kiʻi tamasiʻi ko ʻení ʻa e faʻitoka ʻo e mēmipa hono fāmilí ke fakahaaʻi ʻene fakaʻapaʻapá.

ʻŪ temipale ʻe 3 ʻi Siapani

ʻOku toko 130,000 e kāingalotu ʻo e Siasí ʻi Siapaní. Naʻe ʻaʻahi ʻa e kiʻi tamasiʻí ni ki he Temipale Sapporo.

Ngaahi tā fakatātā ʻa Katie McDee