Ngaahi Nima Fie Tokoni ‘i he funga ʻo e Māmaní
Fe‘iloaki mo Ami mei Siapaní
Fe‘iloaki mo e fānau Palaimeli ʻoku nau tokoniʻi e ni‘ihi kehé, hangē ko ia naʻe fai ‘e Sīsuú.
Ngaahi me‘a kotoa pē fekauʻaki mo Amí
Lea Fakafonuá: Faka-Siapani
Taʻu Motuʻá: 10
Ngaahi Taumuʻá mo e Ngaahi Fakaʻānauá: 1) Hoko ko ha tokotaha tāvalivali katuni (animation). 2) Ako vaʻinga peisipolo. 3) Lau fakaʻaho ha vahe ʻe taha ʻo e Tohi ʻa Molomoná.
Fāmili: Mami, Teti, mo e ngaahi tuongaʻane ʻe toko tolu, mo ha tokoua ʻe taha
Ko e Ngaahi Nima Fie Tokoni ʻa Amí
ʻOku nofo ʻa Ami ʻi ʻOkinaua, Siapani. Koeʻuhí ko e COVID-19, naʻe faingataʻa ke maʻu ha meʻakai ʻa ha kakai tokolahi. Ko ia naʻe palani ʻe he uooti ʻa Amí ke tānaki ha meʻakai ke foaki maʻanautolu ne nau fie maʻú. Naʻá ne fuʻu fie maʻu moʻoni ke tokoni!
Naʻa nau fakataha kotoa ki he fale ʻo e Siasí. Naʻa nau tokanga ʻi heʻenau ngāué. Naʻe tui ʻe Ami ha meʻa ke maluʻi hono ihú mo e ngutú.
Naʻá ne fokotuʻu fakataha ʻa e ʻū puha pepa fefeká. ʻI he taimi ne fonu meʻakai ai e ʻū puhá, naʻá ne tāpuniʻi ia kae lava ʻo fakapipiki ke mapuni. Naʻe fakakaukau maʻu pē ʻa Ami ki he founga naʻe fafanga ʻaki ʻe Sīsū ʻa e kakaí ʻaki ʻa e ngaahi foʻi maá mo e iká. Naʻá ne fiefia ke tokoni ke foaki ha meʻakai ki he kakai fiekaiá ʻo hangē ko ia naʻá Ne faí.
Ngaahi Meʻa ʻOku Saiʻia Taha ai ʻa Amí
Feituʻu: Paʻake peisipoló
Talanoa fekau‘aki mo Sīsuú: ʻI he Taimi ne ʻAloʻi mai Aí
Hiva Palaimelí: “Fānau au ʻa e ʻOtuá” (Tohi Hiva ʻa e Fānaú, 2)
Meʻakai: Konga pulu
Lanu: Mata ʻemalata
Lēsoni ʻi he akó: Ako fakasōsialé mo e PE
Ngaahi tā fakatātā ‘a Hannah Li