Gikan sa Unang Kapangulohan

Usa ka Balaan nga Dapit

Ni Presidente Henry B. Eyring

Ikaduhang Magtatambag sa Unang Kapangulohan

Gipahaom gikan sa “Gusto Ko nga Makita ang Templo,” Liahona, Mayo 2021, 28–31.

Nakahinumdom ko sa unang adlaw nga ako miadto sa sulod sa Salt Lake Temple. Usa ka babaye nga puti og buhok nga nagsul-ob og sinina nga puti ang mitimbaya kanako. Miingon siya, “Welcome, sa templo, Brother Eyring.” Nakahunahuna ko sa makadiyot nga siya usa ka anghel tungod kay nakaila siya sa akong ngalan. Nakalimot ko nga nasulat man diay nga diha sa usa ka gamayng kard ang akong ngalan ubos sa piniloan sa akong amerikana.

Mihangad ko sa taas nga puting kisame. Ang lawak hayag kaayo nga daw mura og abli nga makita ang panganod. Akong gibati nga nakaadto na ako didto kaniadto. Dayon ako mibati nga nakaadto na sa usa ka sagrado nga dapit sama niana kaniadto sa wala pa ako matawo.

Ang mga pulong “Pagkabalaan ngadto sa Ginoo” nasulat diha sa gawas sa tanan natong mga templo. Ako nasayod nga kadto nga mga pulong tinuod. Ang templo usa ka balaan nga dapit diin ang pagpadayag sayon nga moabot kanato kon ang atong mga kasingkasing bukas niini.

Ako nag-ampo nga kamo gusto nga moadto didto, diin inyong mabati nga duol sa Ginoo. Kamo makatabang sa inyong mga katigulangan nga makauban Kaniya ug uban kaninyo hangtod sa kahangtoran.

Pulong sa Ebanghelyo

Ang pagpadayag mao ang mensahe gikan sa Dios ngadto sa Iyang mga anak. Sa kasagaran ang pagpadayag moabot pinaagi sa Espiritu Santo. Ang Espiritu Santo misulti ni Presidente Eyring nga sa wala pa siya matawo, siya diha sa usa ka sagrado nga dapit sama sa templo.

Gusto Ko nga Makita ang Templo

Kopyaha ang mga linya diha sa grid aron mahuman ang laing katunga sa Calgary Alberta Temple.

Sulod sa templo, kita makahimo og mga pakigsaad, o mga saad, uban sa Langitnong Amahan. Unsa ang inyong gilaoman mahitungod sa pag-adto sa templo ugma damlag?

Paghulagway pinaagi ni Melissa Manwill