Dali, Sunod Kanako nga mga Kalihokan

Alang sa home evening, pagtuon sa kasulatan, o alang lamang sa kalingawan!

Malunod o Molutaw?

Istorya: Gisultihan sa Dios si propeta Noe nga maghimo og dako nga barko nga gitawag og arka. Sa dihang dunay dako nga lunop, si Noe, iyang pamilya, ug ang mga hayop nagpabilin sulod sa arka samtang naglutaw kini sa tubig, ug sila luwas. Karon, mahimo kitang magpabilin nga luwas pinaagi sa pagsunod sa propeta.

Awit: Ikatulo nga bersikulo sa “Sunda ang Propeta” (Songbook sa mga Bata, 58–59)

Kalihokan: Pun-a ang usa ka panaksan og tubig. Pagpuli-puli og butang og mga dahon, mga bato, ug ubang mga butang nga dili mabasa diha sa tubig. Molutaw ba sila o malunod? Kon molutaw ang usa ka butang, pagsulti og usa ka butang nga mahimo ninyo sa pagsunod sa propeta.

Matarong nga mga Panalipod

Alang sa Genesis 12–17; Abraham 1–2

Istorya: Gisultihan sa Dios si propeta Abraham, “Ayaw kahadlok … ako ang imong panalipod” (Genesis 15:1). Gisultihan Niya si Abraham nga Siya motabang ug mopanalipod kaniya.

Awit: “Gusto Ko nga Mosunod sa Ebanghelyo” (Songbook sa mga Bata, 72)

Kalihokan: Pagdrowing o paghimo og taming. Isulat sa inyong taming ang mga paagi nga kamo makasunod sa Dios.

Tigsunod sa Sugo

Alang sa Genesis 18–23

Istorya: Ang Langitnong Amahan naghatag kanato og mga sugo aron sa pagtabang kanato ug pagpabilin kanato nga luwas. Gisultihan sa mga anghel ang usa ka lalaki nga ginganlan og Lot sa pagbiya sa iyang panimalay diha sa usa ka daotan nga siyudad. Tungod kay si Lot naminaw ug misunod, nagpabilin siya nga luwas.

Awit: “Sunda ang Kasugoan” (Songbook sa mga Bata, 68–69)

Kalihokan: Karon dulaa ang usa ka dula! Pagpuli-puli nga mahimong lider. Ang lider mosulti sa uban sa pagbuhat og mga aksiyon, sama sa “pag-ambak-ambak” o “dagan sa usa ka sirkulo.” Ang tanan mosunod kanila. Sa unsang paagi ang pagsunod sa mga sugo makatabang kaninyo?

Napulo ka Kamelyo nga Kamabination

Alang sa Genesis 24–27

Istorya: Gitabangan ni Rebecca ang sulugoon ni Abraham pinaagi sa pagdala og tubig alang sa iyang 10 ka kamelyo (tan-awa sa Genesis 24:10–20). Ang sulugoon ni Abraham mapasalamaton alang sa iyang kamabination.

Awit: “Maninguha Kong Mahimong Mahisama kang Jesus” (Songbook sa mga Bata, 40–41)

Kalihokan: Makaserbisyo kamo sama kang Rebecca! Pagdrowing og 10 ka kamelyo (tan-awa sa pahina 12 aron mahibaloan kon unsaon). Ibitay kini sa dapit diin makita kini sa inyong pamilya. Sa matag higayon nga mobuhat kamo og usa ka butang nga mabination alang sa laing tawo, kolori ang usa ka kamelyo.

Mga paghulagway pinaagi ni Katy Dockrill