Mga Istorya sa Kasulatan

Abraham ug Sara

Mabasa ninyo ang istorya ni Abraham ug ni Sara sa Genesis 15, 17, ug 21.

Si Abraham usa ka propeta. Ang Dios mihimo og pakigsaad kang Abaraham ug sa iyang asawa, si Sara.

Ang Dios misaad sa pagpanalangin kanila. Siya misulti kanila nga sila makabaton og mga anak. Si Abraham ug si Sara misaad sa pagsunod sa Dios.

Si Abraham ug si Sara mituman sa ilang saad. Apan wala silay mga anak sulod sa taas nga panahon. Nagkatigulang ug nagkatigulang sila.

Sa kataposan, sa dihang si Abraham nag-edad og 100 ug si Sara nag-edad og 90, nakabaton sila og bata nga lalaki. Ginganlan nila siya og Isaac. Nasayod sila nga ang Dios mipanalangin kanila.

Makasalig ako sa Dios. Usahay ang mga panalangin dili moabot dihadiha dayon. Apan ang Dios kanunayng motuman sa Iyang mga saad.

Mga paghulagway pinaagi ni Apryl Stott