Imong Sinulat
Pagtudlo gamit ang Higala
Usa ka adlaw ang senior nga mga misyonaryo, si Elder ug Sister Haines, mianhi sa akong balay. Si Elder Haines nagkinahanglan sa akong tabang. Makabasa siya og German nga mga pulong apan dili makasabot kon unsay gipasabot sa pipila niini. Nakakita siya og istorya diha sa Kleiner Liahona (Higala) ug gibasa kini ngari kanako sa German. Gihubad nako kini sa Iningles alang kaniya aron makahibalo siya sa unsay iyang gibasa. Nindot kami nga magkauban!
Bisan og wala siya nagtuo niini, maayo mobasa og German si Elder Haines. Kausa lamang nga gikinahanglan nako nga moingon kaniya, “Wala koy ideya kon unsay imong gisulti.” Human ang akong inahan mitabang kaniya sa iyang paglitok sa German, mas nakasabot na ako kaniya.
Gibati nako nga daw usa ka tinuod nga magtutudlo sa dihang naghubad ako alang kang Elder Haines. Miingon siya nga mibati siya nga seguradong makapanalangin siya sa sakramento gamit ang German nga pinulongan salamat sa akong tabang. Mainiton ug nindot ang akong gibati sa akong kaugalingon nga ako nakatabang sa usa ka misyonaryo.
Paghulagway pinaagi ni Jim Madsen