Si Tim Makabuhat og Lisod nga mga Butang!
Si Tim maayo nga mobaktas. Apan kini nga baktas ingon og taas kaayo. Siya ug ang iyang pamilya mibaktas gayod hangtod ngadto sa usa ka linaw. Ganahan si Tim nga makakita sa gagmay nga mga isda sa tubig. Ganahan siya nga molabay og mga bato sa linaw. Apan karon gikapoy ug gigutom na siya. Lisod ang pagbaktas!
“Pwede ba ko nimo kargahon?” mihangyo siya ni Papa.
“Pasayloa ko,” miingon si Papa. “Kinahanglan nako kargahon ang imong manghod nga lalaki.”
Misugod og hilak si Tim. Gikapoy na kaayo siya. Dili na siya ganahan molakaw.
“Pwede ba ko nimo kargahon?” mihangyo siya ni Mama.
“Kinahanglan nako kargahon si baby Mia,” miingon si Mama. “Apan mahimo nakong gunitan ang imong kamot. Magdungan kita sa paglakaw.”
Gigunitan ni Tim ang kamot ni Mama. “Mabuhat nimo kini, Tim. Makabuhat kita og lisod nga mga butang.”
Kon kapoyon na si Tim, itudlo ni Mama ang mabulokon nga mga bulak. Mihunong sila aron moinom og gamayng tubig.
Dayon mibaktas sila og dugang pa gamay. “Makabuhat kita og lisod nga mga butang,” gisultihan ni Mama si Tim. “Maayo kaayo ang imong gibuhat.”
Sa wala madugay nakakita si Tim sa sakyanan. “Tan-awa! Hapit na kita mabalik!”
Sa dihang nakasakay sila og balik sa sakyanan, gigakos pag-ayo ni Mama si Tim. “Nabuhat nimo kini!” miingon siya. “Mahimo gayod kang mobuhat og lisod nga mga butang.”
Mipahiyom si Tim. Mibati siya nga mapasigarbohon kaayo. Nagbaktas gayod siya sa tibuok panahon!
Wala madugay nianang semanaha, gikinahanglan ni Tim nga mobuhat og laing lisod nga butang. Nagkat-on siya unsaon sa pagbisikleta. Gikinahanglan niyang magbansay ug magbansay. Nahulog gani siya sa bisikleta.
“Gusto ka ba nga mopadayon sa pagsulay?” Nangutana si Papa.
Naghunahuna si Tim mahitungod sa pagbaktas. Lisod gihapon kadto. Apan nabuhat niya kini.
“Oo!” miingon si Tim. “Makabuhat ako og lisod nga mga butang!”
Misakay og balik si Tim sa iyang bisikleta. Gusto siya nga mosulay pag-usab!
Mga paghulagway pinaagi ni Rachael ug Philippa Corcutt