Matinabangong mga Kamot [Helping Hands] sa tibuok Kalibotan
Himamata si Animan gikan sa Ivory Coast
Himamata ang mga bata sa Primary nga nagtabang sa uban, sama sa gibuhat ni Jesus.
Tanan mahitungod ni Animan
Edad: 12
Pinulongan: French
Mga tumong ug mga pangandoy: 1) Magkat-on kabahin sa ubang mga nasod ug mga kultura. 2) Moserbisyo og full-time nga misyon.
Pamilya: Papa, ina-ina, ug lima ka igsoon
Ang Matinabangong mga Kamot ni Animan
Nagtabang si Animan pinaagi sa pagpuno sa baril sa tubig nga gigamit sa iyang pamilya sa pagpanghugas. Nagtabang usab siya sa iyang pamilya sa ilang tindahan. Manilhig siya, manglimpyo, ug mopuno sa mga kabinet. Matinuoron siya sa mga mamalitay.
Kanunay nga naningkamot si Animan nga mahimong maayo nga ehemplo. Usahay bugalbugalan siya sa mga tawo tungod kay dili siya moinom og ilimnong makahubog. Apan ang uban mosuporta kaniya kon panalipdan niya kon unsay husto. Miingon siya nga ang pagbuhat sa unsay husto mipabati kaniya nga ingon og nakadaog siya og tropeyo! Usa ka deacon si Animan. Ganahan siya nga moapod-apod sa sakramento tungod kay kini makatabang sa mga tawo nga makahinumdom kang Jesus.
Mga Paborito ni Animan
Istorya mahitungod ni Jesus: Sa dihang nag-ampo Siya sa Tanaman sa Getsemani
Awit sa Primary: “Mga Bata sa Tibuok Kalib[o]tan” (Songbook sa mga Bata, 4–5)
Pagkaon: Foutou (minasa nga balanghoy ug saba nga saging)
Hilisgotan sa eskwelahan: French
Mga paghulagway pinaagi ni Dani Jones