Ngaahi ʻEkitivitī ʻi he Haʻu, ʻo Muimui ʻIate Aú
Ako e folofolá pe fai ha meʻa fakafiefia ʻi he efiafi fakafāmili ʻi ʻapí!
Kaka ʻi he Tuʻungá
Ki he Sēnesi 28–33
Talanoá: Naʻe misi ʻa Sēkope kau ki ha tuʻunga ʻoku aʻu ki he langí. ʻOku fakafofongaʻi ʻe he ngaahi sitepu ʻi he tuʻungá ʻa e ngaahi sitepu ke tau fou ai ke ofi ange ai ki he ʻOtuá. (Vakai Sēnesi 28:10–16.)
Hiva: “Tuʻu ʻI he Totonú” (Tohi Hiva ʻa e Fānaú, 81)
ʻEkitivitī: Ngaohi ha tuʻunga ʻaki ha sioka pe ngaahi vaʻakau ʻi he kelekelé. Taufetongi ʻi hono lea ʻaki ha meʻa ʻe taha ʻoku tau palōmesi ki he Tamai Hēvaní ʻi he taimi ʻoku tau papitaiso aí. ʻI he taimi kotoa pē, ʻunu ki muʻa ʻaki ha sitepu ʻe taha ʻi he tuʻungá. (Vakai Tokāteline mo e Ngaahi Fuakava 20:77 mo e Mōsaia 18:8–10.)
Palani ʻo e Mateuteú
Ki he Sēnesi 37–41
Talanoá: Naʻe tokoni ʻa Siosefa ki he kakai ʻi ʻIsipité ke nau teuteu ki he ngaahi taimi faingataʻá. Te ke lava ʻo lau ʻa e talanoa ko ʻení ʻi he peesi 8 pe ʻi he Sēnesi 41.
Hiva: “Ko ha Fāmili Fiefia” (Tohi Hiva ʻa e Fānaú, 104)
ʻEkitivitī: Faʻu ha palani ki ha meʻa fakatuʻupakē. Talanoa fekauʻaki mo ha ngaahi founga ʻe lava ke teuteu ai homou fāmilí ki ha ngaahi meʻa fakatuʻupakē ʻe hoko. Ko e hā te ke lava ʻo kamata he ʻaho ní?
Ngaahi Loto Faʻa Fakamolemolé
Ki he Sēnesi 42–50
Talanoá: Naʻe angakovi ʻaupito e ngaahi tokoua ʻo Siosefá kiate ia. Hili ha ngaahi taʻu lahi, naʻá ne toe sio kiate kinautolu. Naʻá ne mamata kuo nau hoko ʻo lelei ange. Naʻá ne fakamolemoleʻi kinautolu peá ne angaʻofa kiate kinautolu. (Vakai Sēnesi 42; 45.)
Hiva: “Ke Mou Feʻofaʻaki” (Tohi Hiva ʻa e Fānaú, 74–75)
ʻEkitivitī: Kosi ha ngaahi foʻi haati pepa. ʻI he tafaʻaki ʻe tahá, tohiʻi ai ʻa e meʻa te ke lava ʻo lea ʻaki pe fai ke kole fakamolemole ʻi haʻo fakamamahiʻi ha taha. ʻI he tafaʻaki ʻe tahá, tohiʻi ʻa e meʻa te ke lava ʻo lea ʻaki pe fai ke fakamolemoleʻi ha taha.
Kato Ngāue Tokoní
Ki he ʻEkesōtosi 1–6
Talanoá: ʻI he kei pēpē ʻa Mōsesé, naʻe fufuuʻi ia ʻe heʻene faʻeé ʻi ha kato ke maluʻi ia. Naʻe tokoni foki hono tuofefiné ke tokangaʻi ia. Naʻá ne tupu hake ʻo hoko ko ha palōfita. (Vakai ʻEkesōtosi 2:1–10.)
Hiva: “Pehē kiʻi Vaitafé, ʻFoaki’” (Tohi Hiva ʻa e Fānaú, 116)
ʻEkitivitī: Te ke lava foki ʻo tokoni ki he niʻihi kehé! ʻAlu ki he peesi 12 ke faʻu ha kato pepa, ʻo hangē ko ia naʻe faʻo ai ʻa Mōsesé. ʻI ha ngaahi laʻipepa, hiki ha ngaahi founga te ke lava ai ʻo tokoni ki he niʻihi kehé. Hili iá, faʻo ʻa e ngaahi laʻipepá ʻi he kató. Ko e taimi ʻokú ke fie tokoni ai ki ha tahá, fili ha laʻipepa pea fai ʻa e meʻa ʻokú fakahā atu aí.
Ngaahi tā fakatātā ʻa Katy Dockrill