Te u Lava ‘o Tā Ia
ʻOkú Ne ʻI ai
ʻI he Loto-Fiefia [nota kolositi]=72
1. ʻOkú ke ongoʻi liʻekina,
Hangē ko haʻo kaka ʻi ha tafungofunga
ʻOku ngali fuʻu māʻolunga kiate koe?
Kuó ke fuʻu ongoʻi loto mamahi,
ʻO fuʻu hohaʻa lahi
Ngali ne fuʻu lomekina koe?
Ne toki fakamanatu atu ʻe ha kiʻi leʻo siʻi kiate koe:
Tau: ʻOkú Ne ʻi ai, mālohi ange ʻi ha faʻahinga faingataʻa.
ʻOku ʻi ai e ʻOtuá, ʻo fanongo ki hoʻo lotu leʻo siʻí,
ʻO tokoniʻi koe ke ke loto toʻa,
Mo ʻai ke ke ʻiloʻi ʻokú ke kau mai.
ʻOku ʻikai ke liʻekina koe, he ʻokú Ne ʻi ai maʻu pē.
2. ʻOkú ke faʻa tuʻu ʻo fakakaukau
Ki he meʻa ʻoku mamata mai ki ai hoʻo Tamai Hēvaní
ʻI Heʻene mamata mai kiate koé?
ʻOku ngingila ange ʻEne malimalí ʻi he huelo ʻo e laʻaá
ʻI Heʻene hāngaifofonga hifo ki Heʻene fānau mahuʻingá;
ʻOku ʻi ai pē ʻa e taha hangē ko koé!
Ko ia ke ke fiemālie ʻi he fakamanatua atu ʻe he kihiʻi leʻo siʻí:
Tau 2: ʻOkú Ne ʻi ai, ʻo mālohi ange ia ʻi ha faʻahinga faingataʻa.
ʻOku ʻi ai ʻa e ʻOtuá, ʻo siofi hoʻo tupu haké,
Mo ʻoatu ha fakafiemālie ʻi he poʻulí,
Tokoniʻi ke ke ʻiloʻi mo fili ʻa ia ʻoku totonú.
ʻOku ʻikai te ke liʻekina, ʻokú Ne ʻi ai maʻu pē.
Ko ia hokohoko atu hoʻo feingá, tupulaki maʻu pē;
Hokohoko atu e lotú, ʻiloʻi maʻu pē:
ʻOku ʻofeina koe ʻe he ʻOtuá, pea ʻokú Ne ʻi ai maʻu pē.