Ko e Hā ʻOkú Ke Fakakaukau Ki Aí?
ʻOku ou faʻa fakafekiki mo kē mo hoku ngaahi tokouá he taimi ʻe niʻihi. Ko e hā te u lava ʻo fai ke feohi lelei ange ai mo kinautolu?
—Sad ʻi Singapoa
Siʻi Sad,
ʻE lava ke faingataʻa e feohi mo e ngaahi tokouá mo e tuofāfiné. Ka te ke lava ʻo lotua ha tokoni ke ke faʻa kātaki mo angaʻofa. ʻI he taimi ʻokú ke taʻefiemālie aí, ʻahiʻahiʻi e ngaahi fakakaukau ko ʻení pea lau e ngaahi veesi folofolá ke maʻu ha tokoni lahi angé. Kapau ʻoku fakamamahiʻi koe ʻe hoʻo tokoua pe tuofefine, kumi tokoni mei ha taha lahi he taimi pē ko iá.
Te ke lava ʻo fai ia!
Ko e Kaumeʻá
Kiʻi mālōlō.
Mavahe pea ke kiʻi mānava ʻi ha taimi lōloa. Lau ha meʻa ʻe tolu ʻokú ke lava ʻo sio ki ai, meʻa ʻe ua ʻokú ke lava ʻo fanongo ki ai, mo ha meʻa ʻe taha te ke ongoʻi.
Fili ha ngaahi lea lelei mo fakapotopoto.
“ʻAhiʻahiʻi” ke lea fakalonogolongo pē hoʻo ngaahi leá kimuʻa peá ke toki lea leʻo lahi ʻaki ia. Te ke ongoʻi fēfē kapau naʻe lea ʻaki ʻe ha taha ʻa e ngaahi lea ko iá kiate koe?
Fakaleleiʻi fakataha ʻa e palopalemá.
Vahevahe ha ngaahi fakakaukau ke feohi lelei ange ai. Fakakaukauʻi ʻa e meʻa te mo fakatou lava ʻo fakahoko fakatahá.
Fili ke angaʻofa.
ʻEke pē kiate koe, “Ko e hā naʻe mei fai ʻe Sīsuú?” Fakakaukau ki ha ngaahi founga te ke lava ʻo fakahaaʻi ai hoʻo angaʻofá, neongo kapau ʻokú ke ongoʻi loto mamahi.
Ngaahi tā fakatātā ‘a Hannah Li