Ngaahi Nima Fie Tokoni ‘i he funga ʻo e Māmaní
Feʻiloaki mo ʻĀlisi mei Fisí
Fe‘iloaki mo e fānau Palaimeli ʻoku nau tokoniʻi e ni‘ihi kehé, hangē ko ia naʻe fai ‘e Sīsuú.
Ngaahi me‘a kotoa fekauʻaki mo ʻĀlisí
Taʻu Motuʻá: 10
Feituʻú: Fāʻeleʻi ʻi Siaina pea ʻoku lolotonga nofo ʻi Fisi
Ngaahi lea fakafonuá: Faka-Siaina mo e Faka-Pilitānia
Ngaahi taumu‘á mo e fakaʻamú: 1) Hoko ko ha tokotaha tā valivali. 2) Ako lelei ange e lea faka-Pilitāniá ʻaki e laukonga fekauʻaki mo Sīsū.
Fāmilí: Tangataʻeiki, Fineʻeiki, tokoua, mo e tuongaʻane
Ko e Nima Fie Tokoni ʻo ʻĀlisí
Ko e faʻē ʻa ʻĀlisí ko ha toketā, pea ʻoku akoʻi ʻe heʻene tamaí ʻa e kakaí ʻi he ʻuluaki tokoní. Naʻe kamataʻi ʻe ʻĀlisi mo hono fāmilí ha timi ngāue tokoni ʻa e toʻu tupú ke tokoni ki he kakai ʻi honau feituʻú.
ʻUluakí, naʻe akoʻi ʻe heʻene ongomātuʻá ha toʻu tupu ʻe toko 100 tupu mo ʻenau mātuʻá ʻi he ʻuluaki tokoní. Naʻe tokoni foki mo ʻĀlisi. Ko hono hokó, naʻe tānaki ʻe he timí ha vala ʻe 3,000 tupu maʻá e kakai faingataʻaʻiá. Naʻa nau tānaki foki mo ha ngaahi sū lahi.
Naʻe saiʻia ʻaupito e kau polisi fakalotofonuá ʻi heʻenau ngāué. Naʻa nau ʻoange ki he timí ha tēpile ʻi he māketí ke tokoniʻi kinautolu ke nau fai ha ngāue lelei lahi angé.
ʻOku pehē ʻe ʻĀlisi, “ʻOku mau tui ki he ʻOtuá.” “Ko ia ai, ʻoku mau tokoni ki he tokotaha kotoa pē!”
Ngaahi Meʻa ʻOku Manako Taha ai ʻa ʻĀlisí
Feituʻú: Ko e matātahí
Talanoa fekauʻaki mo Sīsuú: ʻI he taimi naʻe ala ai ʻa e fefine ʻi he haʻofangá ki Hono pulupulú naʻe fakamoʻui ia
Hiva palaimeli: “ʻOku Ou Fie Hoko Leva ko ha Faifekau” (Tohi Hiva ʻa e Fānaú, 90)
Meʻakaí: Nūtolo
Lanú: Vāleti
Lēsoni he akó: Fika
Ngaahi Tā fakatātaaʻi ʻa Anthony Lewis