Dali, Sunod Kanako nga mga Kalihokan
Alang sa home evening, pagtuon sa kasulatan, o alang lamang sa kalingawan!
Molukso sama sa Baki
Alang sa Exodo 7–13
Istorya: Si Moises usa ka propeta. Giingnan niya ang hari sa Ehipto nga buhii ang katawhan sa Dios (tan-awa sa Exodo 8:1). Miingon ang hari sa Ehipto nga buhian niya sila. Apan wala niya gituman ang iyang saad. Ang Dios mipadala og mga baki, nga tagnok, mga langaw, ug ubang mga sakit aron sa pagpasidaan sa hari sa Ehipto sa pagsunod sa propeta.
Awit: “Sunda ang Propeta,” bersikulo 5 (Songbook sa mga Bata, 58–59)
Kalihokan: Pagdula! Palinyaha ang tanan. Dayon pahupoa. Ang usa ka tawo mobutang sa iyang kamot sa bukobuko sa laing tawo ug layatan ang matag tawo tagsa-tagsa, sama sa usa ka baki. Pagpuli-puli hangtod ang tanan nakahimo sa ingon. Sa matag higayon nga kamo molukso, pagsulti og usa ka paagi nga kamo makasunod sa propeta.
Pagbahin sa Dagat
Alang sa Exodo 14–17
Istorya: Gidala ni Moises ang katawhan sa Dios palayo sa Ehipto. Apan ang hari sa Ehipto migukod kanila. Ang Dios mihatag ni Moises og gahom sa pagbahin sa Pula nga Dagat. Ang iyang katawhan milabang diha sa uga nga yuta ug miikyas gikan sa mga Ehiptohanon.
Awit: “Manunubos sa Israel” (Mga Himno, nu. 6)
Kalihokan: Idrama-drama ang istorya ni Moises nga nagbahin sa Pula nga Dagat. Mahimo ninyong gamiton ang tamdanan [script] sa pahina 12.
Espesyal Kaayo nga Pasko sa Pagkabanhaw
Alang sa Pasko sa Pagkabanhaw
Istorya: Ang propeta Isaias miingon nga si Jesus nag-antos alang sa atong mga sala ug nakasabot sa atong mga kasub-anan (tan-awa sa Isaias 53:4–5). Si Jesus namatay alang kanato ug nabuhi pag-usab. Tungod Kaniya, kitang tanan mabuhi pag-usab.
Awit: “Nabuhi ba Gay[o]d Pag-Usab si Jesus?” (Songbook sa mga Bata, 45)
Kalihokan: Himoa nga espesyal kaayo ang Pasko sa Pagkabanhaw karong tuiga pinaagi sa pagbuhat sa kalihokan sa pahina 3. Sa matag adlaw sa semana sa dili pa ang Pasko sa Pagkabanhaw, pagbasa mahitungod ni Jesus og kolori ang usa ka bahin sa hulagway. Mahimo usab nimong guntingon ang mga hulagway sa mga pahina 24-25.
Magpas-an sa Kabug-at sa Usag Usa
Alang sa Exodo 18–20
Istorya: Lisod alang kang Moises sa pagpangulo sa iyang katawhan nga siya ra. Ang amahan sa iyang asawa, si Jethro, miingon kang Moises nga tugotan ang ubang tawo nga motabang nga “magpas-an sa kabug-at” (Exodo 18:21–22).
Awit: “Maninguha Kong Mahimong Mahisama Kang Jesus” (Songbook sa mga Bata, 40–41)
Kalihokan: Pabaroga ang usa ka tawo ug ipatuyhad ang iyang mga bukton. Butangi og libro ang iyang matag kamot. Dugangi pa og mga libro hangtod nga bug-at na kaayo nga dad-on kini. Dayon paguniti sa duha ka tawo ang mga bukton sa tawo nga nagdala sa mga libro. Mas sayon ba nga modala og palas-anon kon ikaw adunay tabang? Sa unsang paagi nga ikaw makatabang sa uban? Sa unsang paagi nga ikaw makapangayo og tabang?
Mga Papan [Tablets] gikan sa Bukid
Alang sa Exodo 24; 31–34
Istorya: Ang Dios mihatag og mga sugo kang Moises diha sa mga papan nga bato. Ang mga Israelita misaad sa pagsunod niini (tan-awa sa Exodo 24:7).
Awit: “Sunda ang Kasugoan” (Songbook sa mga Bata, 68–69)
Kalihokan: Makasaad ka nga mosunod usab. Paghimo og pakaaron-ingnon nga mga papan gamit ang papel. Dayon drowingi o sulati kini og mga paagi nga ikaw nagtuman sa mga sugo.
Mga paghulagway pinaagi ni Katy Dockrill