Makalingaw nga Buhaton
Si Moises Mitunga sa Pulang Dagat
Gamita kini nga tamdanan [script] aron idrama-drama ang istorya. Makabasa ka pa og dugang mahitungod niini diha sa Exodo 14.
Mga Tahas ug mga Kasangkapan
-
Tigbasa
-
Moises (naggunit og usa ka tukon o sungkod)
-
Paraon
-
Mga Israelita
-
Duha ka tawo nga maggunit og usa ka habol nga magrepresentar sa Pulang Dagat
Tigbasa: Ang mga Israelita mga ulipon sa Ehipto. Ang Ginoo misulti ni Moises nga mangulo kanila paggawas sa Ehipto. Miadto sila sa Pulang Dagat.
[Si Moises ug ang mga Israelita magbarog sa tungod sa habol.]
Tigbasa: Sa dihang ang mga Israelita mibiya, ang Paraon nasuko.
Paraon: Kinahanglang makit-an sila ug dad-on sila og balik!
[Ang Paraon kunohay mosakay sa usa ka tartanilya aron pangitaon si Moises ug ang mga Israelita.]
Tigbasa: Ang mga Israelita nakakita sa Paraon nga nagsingabot. Nangahadlok sila.
Mga Israelita: Unta mipabilin lang kita sa Ehipto. Karon mangamatay kita!
Moises: Ayaw kahadlok! Ang Ginoo makig-away alang kaninyo.
Tigbasa: Ang Ginoo misulti kang Moises sa pagbahin sa dagat.
[Giisa ni Moises ang iyang tukon. Ang mga tawo nga naggunit sa habol moisa niini pataas.]
Tigbasa: Karon ang mga Israelita makalakaw na latas sa uga nga yuta!
[Si Moises ug ang mga Israelita nanglakaw ubos sa habol.]
Tigbasa: Paraon ug ang iyang katawhan misunod kanila. Ang Ginoo misulti ni Moises sa pagmando sa dagat sa pagtabon kanila.
[Si Paraon naglakaw ubos sa habol. Si Moises miisa sa iyang tukon pag-usab. Ang mga tiggunit sa habol mopaubos sa habol aron sa pagtabon sa Paraon.]
Tigbasa: Ang Ginoo mipanalipod sa mga Israelita! Padayon siya nga mipanalipod kanila sa ilang panaw.
Paghulagway pinaagi ni David Habben