Usa Lamang ka Piraso?
Naglisod si Todd nga maglingkod nga dili maglihok atol sa panagtigom sa sakramento. Gilabyog-labyog niya ang iyang tiil. Nagkitoy-kitoy siya diha sa iyang lingkoranan.
Ganahan si Todd nga mosabak kang Papa sa simbahan. Apan tua sa laing lugar si Papa karon. “Todd,” mihunghong si Mama. “Panahon na nga magpakita og balaan nga pagtahod atol sa sakramento.” Gihatagan niya siya og kopya sa ang Higala.
Gitan-aw ni Todd ang mga hulagway. Apan sa wala madugay gikapoy siya nga dili maglihok. Gikuptan niya ang kamot sa iyang masuso nga igsoong babaye, si Sara. Gikumkom niya ang iyang mga tudlo. Mipahiyom si Todd.
Sa wala madugay gipasa ngadto kaniya ang tray sa pan. Gigutom si Todd. Gigamit niya ang duha ka kamot sa pagkuha og daghang pan. Nagmug-ot si Mama. Miingon siya, “Sa sunod, pagkuha lang og usa.”
Human sa panagtigom, mipahiyom si Mama kang Todd. “Salamat sa pagtabang kang Sarah samtang wala si Papa.”
Ganahan si Todd nga motabang kang Mama sa simbahan. Naghunahuna siya mahitungod sa tanang pan nga iyang gikuha.
“Pasayloa ko nga mikuha ko og daghan kaayong pan. Nganong mokuha lamang kita og usa ka piraso?” nangutana siya.
Gigakos ni Mama si Todd. “Dili kita mokuha sa pan tungod kay gigutom kita. Mokuha kita sa pan aron sa paghinumdom kang Jesus. Ug mokuha lamang kita og usa ka piraso aron ang tanan adunay usa ka piraso sa paghinumdom kang Jesus.”
Naningkamot gayod og maayo si Todd nga magpakita og balaan nga pagtahod atol sa pagsimba sa misunod nga semana. Mikuha lang siya og usa ka piraso sa pan. Malipayon siya nga iyang mahinumdoman si Jesus. Gusto siya nga matabangan ang uban nga makahinumdom usab ni Jesus.
Mga paghulagway pinaagi ni Kevin Fales