Ang Istorya sa Pasko sa Pagkabanhaw
Gihigugma ni Jesus ang Iyang mga higala. Gihugasan Niya ang ilang mga tiil. Gihatag Niya kanila ang sakramento.
Gisultihan Niya ang Iyang mga higala sa paghinumdom Kaniya. Gisultihan Niya sila sa paghigugmaay sa usag usa.
Si Jesus miadto sa usa ka tanaman. Nag-ampo Siya alang kanatong tanan. Gibati Niya ang kasakit sa atong mga sala ug sa atong mga sakit.
Ang masuk-anong mga tawo midakop ni Jesus. Namatay Siya sa krus para kanato. Gibutang sa Iyang mga higala ang Iyang lawas sa usa ka lubnganan.
Sa buntag sa Pasko sa Pagkabanhaw, ang lubnganan wala nay sulod! Gisultihan sa mga anghel ang Iyang mga higala, “Nabanhaw Siya.”
Si Jesus nabuhi pag-usab!
Si Jesus nahigugma kanato. Tungod Kaniya, mabuhi kita pag-usab human kita mamatay.
Mahimo nako nga espesyal ang Pasko sa Pagkabanhaw pinaagi sa paghunahuna kang Jesus.
Mga paghulagway pinaagi ni Sebastien Braun