Matinabangong mga Kamot sa tibuok Kalibotan
Himamata si Tristan gikan sa Canada
Himamata ang mga bata sa Primary nga nagtabang sa uban, sama sa gibuhat ni Jesus.
Tanan mahitungod ni Tristan
Edad: 6
Gikan sa: Québec, Canada
Mga Pinulongan: English ug French
Tumong ug mga damgo: 1) Sunda si Jesus. 2) Tabangi ang uban.3) Mahimo nga bombero.
Pamilya: Tristan, Papa, Mama, duha ka magulang nga babaye
Ang Matinabangong mga Kamot ni Tristan
Kamo dili kinahanglan mobuhat og dagkong mga butang aron makatabang sa uban. Si Tristan gustong motabang sa daghang ginagmay nga mga paagi. Mogakos siya sa iyang mama ug papa ug mohalok kon sila mobati nga gikapoy. Manglimpyo siya sa iyang kwarto ug mopundok sa mga butang nga mahimo pang magamit og usab. Siya mag-ampo, ug siya mosulay sa pagtabang sa tanan nga maayo ang bation.
Mogamit usab si Tristan sa iyang tingog sa pagserbisyo sa uban. Atol sa bunyag sa iyang higala nga si Nicholas, mikanta siya og “Sa Pagbunyag ni Jesus” (Liahona, Peb. 2015, 73). Nagkinahanglan kini og dakong pagbansay aron maandam. Apan si Tristan mihimo niini nga may pahiyom. Nalipay siya nga kining kanta makatabang sa mga tawo nga makakat-on mahitungod ni Jesus ug mobati sa Espiritu Santo.
Mga Paborito ni Tristan
Dapit: mga Peryahan [Amusement parks]
Istorya mahitungod ni Jesus: Sa dihang Siya nabunyagan
Kanta sa Primary: “Gusto Ko nga Makita ang Templo” (Songbook sa mga Bata, 99)
Pagkaon: Bacon, sinugba nga keso, mga strawberry, mga mangga
Mga Kolor: Berde ug dalag [yellow]
Subject sa Eskwelahan: Math
Mga paghulagway pinaagi ni Flavio Remontti