Tokoni Hangē ko Sīsuú

Naʻe Lotua ʻe Sīsū ʻa e Niʻihi Kehé

Naʻe fakaʻaliʻali ʻe Sīsū ki he kau ʻAposetoló ʻa e founga lotu ki he Tamai Hēvaní. Pea naʻe lotu fakataha leva ʻa Sīsū mo ʻEne Kau ʻAposetoló. Naʻá Ne akoʻi kinautolu ke nau kole ha tokoni mo ha fakamolemole ʻi he taimi ne nau lotu aí. Naʻe lotu ʻa Sīsū ke maʻu ʻe he kau ʻAposetoló ʻa e tuí. Naʻá Ne talaange ke nau faʻa lotu foki.

Te ke lava ʻo lau ʻa e talanoa ko ʻení ʻi he Luke 11:1–4 mo e Sione 17.

Te u Lava ʻo Lotua ʻa e Niʻihi Kehé

• Ko hai te ke lava ʻo lotuá?

• Fakahoko ha lotu maʻanautolu pea faʻu ha palani ke tokoniʻi kinautolu.

• Fakahoko hoʻo palaní!

• Kosi ‘o toʻo ‘a e kaati ko ʻení ke fakamanatu atu ke ke hokohoko atu hoʻo tokoní ‘o hangē ko Sīsuú.

ʻI he ʻuluaki ʻaho ʻo e kalasi tolú, naʻe hoko ai ha meʻa fakamā moʻoni kiate au. Naʻe ʻikai ke u toe fie foki ki he akó. Naʻá ku fakahoko ha lotu mo ʻeku fineʻeikí mo e tangataʻeikí. ʻI he ʻaho hono hokó, naʻe ʻikai kata pe talanoa ha taha ki ai. ʻOku ou fiefia ʻaupito ʻi heʻetau lava ʻo lotu mo kole tokoní.

Analini H., taʻu 11, ʻInitiana, USA

‘Okú ke feinga fēfē ke tokoni ki he niʻihi kehé, hangē ko ia naʻe fakahoko ʻe Sīsuú? Tohi ʻo talamai kiate kimautolu.

Tā fakatātā mei he Providence Collection, GoodSalt.com