Mōsese mo e Maná

Te ke lava ʻo lau e talanoa fekauʻaki mo e maná ʻi he ʻEkesōtosi 16.

Ne hoko ʻa Mōsese ko ha palōfita. Naʻá ne taki e kakai ʻo e ʻOtuá ki he fonua ʻo e talaʻofá. Naʻa nau lue lalo ʻi ha ngaahi ʻaho lahi.

girl and boy holding food in their hands

Naʻe fiekaia ʻa e kakaí. Naʻe ʻikai haʻanau meʻakai. Ko ia naʻe foaki mai ai ʻe he ʻOtuá ha meʻakai mei langi. Naʻe ui ia ko e mana.

ʻI he pongipongi kotoa pē, naʻe tānaki ʻe he kakaí ʻa e maná ke nau kai. Ka he ʻikai kei foʻou ia ʻi he poó kakato. Naʻe pau ke nau toe tānaki ha meʻa ʻi he ʻaho hono hokó.

ʻOku fakamanatu mai ʻe he maná kiate kitautolu ʻa Sīsū Kalaisi. Naʻe foakii mai ʻe he ʻOtuá ʻa e maná ke fakahaofi ʻa e kakaí. Naʻá Ne fekauʻi mai foki ʻa Sīsū ki māmani ke fakahaofi kitautolu. ʻOku tau fie maʻu ʻa Sīsū he ʻaho kotoa pē, ʻo hangē pē ko ʻetau fie maʻu ha meʻakai he ʻaho kotoa pē.

boy showing his sister a picture of Jesus

Te u muimui ʻia Sīsū. Te Ne ʻomi kiate au ha mālohi mo tokoniʻi au ke u ongoʻi ʻEne ʻofá ʻi he ʻaho takitaha.