Meʻa fakafiefia
Ko Hono Fakamavaeuaʻi ʻe Mōsese ʻa e Tahi Kulokulá
Fakaʻaongaʻi ʻa e fakamatala ko ʻení ke fakafaivaʻi ʻa e talanoá. ʻE lava ke ke laukonga lahi ange ki ai ʻi he ʻEkesōtosi 14.
Ngaahi Fatongiá mo e Naunaú
-
Tokotaha Fakamatalá
-
Mōsese (mo ha vaʻakau pe tokotoko ke puke)
-
Felo
-
Kau ʻIsilelí
-
Ko ha toko ua ke na pukepuke hake ha sipi kafu ke fakafofongaʻi ʻa e Tahi Kulokulá
Tokotaha Fakamatalá: Naʻe ngāue pōpula ʻa e Kau ʻIsilelí ʻi ʻIsipite. Naʻe folofola ʻa e ʻEikí kia Mōsese ke tataki kinautolu mei ʻIsipite. Naʻa nau ʻalu atu ki he Tahi Kulokulá.
[ʻOku tuʻu ʻa Mōsese mo e kau ʻIsilelí ʻi he veʻe sipi kafú.]
Tokotaha Fakamatalá: ʻI he mavahe ʻa e kau ʻIsilelí, naʻe ʻita ʻa Felo.
Felo: Kuo pau ke tau kumi pea fakafoki mai kinautolu!
[ʻOku ʻai ke hangē ʻoku heka ʻa Felo ʻi ha saliote ke kumi ʻa Mōsese mo e kau ʻIsilelí.]
Tokotaha Fakamatalá: Naʻe mamata e kakai ʻIsilelí ki he haʻu ʻa Feló. Naʻa nau ilifia.
Kau ʻIsilelí: Naʻe totonu ke tau nofo pē ʻi ʻIsipite. Ko ʻeni mahalo te tau mate!
Mōsese: ʻOua ʻe ilifia! ʻE tau ʻa e ʻEikí maʻa moutolu.
Tokotaha Fakamatalá: Naʻe folofola ʻa e ʻEikí kia Mōsese ke ne fakamavaeuaʻi ʻa e tahí.
[ʻOku hiki hake ʻe Mōsese hono tokotokó. ʻOku hiki hake ʻa e sipi kafú ʻe kinautolu ne nau pukepuke iá.]
Tokotaha Fakamatalá: Ko ʻeni ʻe lava ʻa e kau ʻIsilelí ʻo kolosi ʻi he kelekele mōmoá!
[ʻOku lue ʻa Mōsese mo e kau ʻIsilelí ʻi lalo ʻi he sipi kafú.]
Tokotaha Fakamatalá: Naʻe muimui ʻiate kinautolu ʻa Felo mo ʻene kau tangatá. Naʻe folofola ʻa e ʻEikí kia Mōsese ke fekauʻi ʻa e tahí ke ʻufiʻufi kinautolu.
[ʻOku lue ʻa Felo ʻi he lalo sipi kafú. ʻOku toe hiki hake ʻe Mōsese hono tokotokó. ʻOku ʻohifo ʻe kinautolu ne nau pukepuke ʻa e sipi kafú ke ne ʻufiʻufi ʻa Felo.]
Tokotaha Fakamatalá: Kuo maluʻi ʻe he ʻEikí ʻa e kau ʻIsilelí! Naʻe hokohoko atu ʻEne maluʻi kinautolu heʻenau fonongá.
Tā fakatātā ʻa David Habben