Malu ʻi he ʻInitanetí
Ko ha fanga kiʻi tokoni ʻeni ke tokoni atu ke ke fakapotopoto ʻi he ʻinitanetí.
FAKAHOKO: Anga fakaʻapaʻapa mo tokaʻi. ʻOku faingofua ke fakamafola ʻa e angaʻofá ʻi he ʻinitanetí!
FAKAHOKO: Fakaʻaongaʻi e mītiá ʻi ha feituʻu ʻoku ʻi ai ha kakai kehe. Kapau ʻokú ke ongoʻi kuo pau ke ke fufuuʻi ha meʻa, mahalo ʻoku ʻikai ko ha meʻa lelei ia ke fakahoko.
FAKAHOKO: Talaange ki ha mātuʻa pe ha tokotaha lahi falalaʻanga fekauʻaki mo ha faʻahinga pōpoaki, vitiō, pe fakatātā ʻokú ne ʻai koe ke ke ongoʻi taʻe-fiemālie, ilifia, pe hohaʻa.
FAKAHOKO: Manatuʻi ʻoku ʻi ai ha māmani fakaofo ʻi tuʻa ʻi hoʻo telefoní pe komipiutá!
FAKAHOKO: Fakafanongo ki he Laumālié. Manatuʻi, ko e Laumālie Māʻoniʻoní “te ne fakahā kiate kimoutolu ʻa e meʻa kotoa pē ʻoku totonu ke mou faí” (vakai, 2 Nīfai 32:5)—ʻo aʻu ki he ʻinitanetí!
ʻOUA TE KE: Tali ki ha faʻahinga fakamatala, text, pe pōpoaki taʻe-ʻofa. ʻOku lelei ange ke poloka, tamateʻi, pe tukunoaʻi kinautolu.
ʻOUA TE KE: Tui ki he meʻa kotoa pē ʻokú ke lau pe mamata ki aí. ʻOku ʻikai moʻoni ʻa e meʻa kotoa pē ʻokú ke sio ki ai ʻi he ʻinitanetí.
ʻOUA TE KE: Fetalanoaʻaki pe vahevahe ha ngaahi tā ʻoʻou mo e kakai ʻoku ʻikai ke ke ʻiloʻi ʻi he moʻuí.
ʻOUA TE KE: Vahevahe ʻa e fakamatala fakatāutahá tuku kehe kapau ʻoku pehē ʻe ha mātuʻa ʻoku SAI pē ia. ʻOku ʻikai totonu ke ke vahevahe hoʻo lea fufuú, ʻaho fāʻeleʻí, tuʻasilá, fika telefoní, pe ko ho hingoa kakató ʻi he ʻinitanetí.
Ngaahi tā fakatātā ʻa Kellan Stover