Ngaahi Nima Fie Tokoni ‘i he funga ʻo e Māmaní
Feʻiloaki mo ʻEtiliki mei Kuatemala
Fe‘iloaki mo ha fānau Palaimeli ʻoku nau tokoniʻi e ni‘ihi kehé, hangē ko ia naʻe fakahoko ‘e Sīsuú.
Ngaahi me‘a kotoa fekauʻaki mo ʻEtilikí
Taʻu motuʻá: 4
Mei fē: Sololá, Kuatemala
Lea Fakafonuá:Faka-Sipeini
Ngaahi taumuʻá mo e fakaʻānauá:1) Ako ke heka ha pasikala. 2) ʻOku ʻi ai ʻene pulu pē ʻaʻana. 3) Hoko ko ha ʻōfisa polisi.
Fāmilí: ʻEtiliki, Mamá, Papá, Kui Fefiné, mo e Kui fefine Uá
Ko e Ongo Nima Fie Tokoni ʻo ʻEtilikí
ʻOku saiʻia ʻa ʻEtiliki mo hono fāmilí ke tokoni! ʻOku ngāue ʻene faʻeé ʻi ha falekoloa ʻo akoʻi e kakaí ki he founga ke tuitui aí. ʻOku ʻi ai foki haʻanau ngoue vesitapolo ʻi he falekoloá. ʻE lava ʻe he kakai ʻoku omi ki he falekoloá ʻo ʻave ʻa e vesitapoló ki ʻapi kapau ʻoku ʻikai ke ʻi ai haʻanau meʻakai. ʻOku tokoni ʻa ʻEtiliki ʻi hono fuʻifuʻi e ʻakaú. ʻOku pehē ʻe ʻEtiliki, “ʻOku mahuʻinga hono kai e vesitapoló ke mālohi ai [e sinó].” ʻOkú ne fiefia ʻi heʻene lava ʻo tokoni ke tō ha meʻakai fakatupu moʻui lelei maʻá e niʻihi kehé ke nau kai.
ʻOku toe saiʻia foki ʻa ʻEtiliki he ngāue fakaetauhi mo ʻene tamaí. ʻOku nau feohi mo e fānaú mo e toʻu tupu ʻi honau uōtí. ʻOku pehē ʻe ʻEtiliki, “ʻOku ou saiʻia ke tokoni ki he fānau lalahi angé.” ʻOkú ne fiefia ʻi he taimi ʻokú ne tokoni ai ki he niʻihi kehé.
Ngaahi Meʻa ʻOku Manako Taha ai ʻa ʻEtilikí
Feituʻú: Ko e fale tuitui ʻo ʻene faʻeé, ʻa ia ʻe lava ke vaʻinga mo tokoni ai ʻi he ngoué
Talanoa kau kia Sīsuú:Ko e taimi naʻe fakamo‘ui ai ʻe Sīsū ‘a e tangata mahakí
Hiva Palaimelí: “Fanongo ko e ʻEikí ʻOku Ui” (Tohi Hiva ʻa e Fānaú, 94–95)
Meʻakaí: Moa mo e pateta fakapaku
Lanú:Pulū
Kaveinga ʻi he Akó: Faitohí mo e mataʻifiká
Ngaahi tā fakatātā ʻa Nikki Boetger