Mei he Kau Palesitenisī ʻUluakí

Tānaki ʻo e Fānau ʻa e Tamai Hēvaní

Fai ʻe Palesiteni Henry B. Eyring

Tokoni Ua ʻi he Kau Palesitenisī ʻUluakí

Henry B. Eyring, “Ko Hono Tānaki e Fāmili ʻo e ʻOtuá,” Liahona,Mē 2017, 20.

An illustration of a boy and a girl in front of a baptismal font

Kimuʻa pea fanauʻi kitautolú, ne tau nofo ʻi he langí mo ʻetau Tamai Hēvaní. ʻOkú Ne ʻofa ʻiate kitautolu ʻaki ha ʻofa ʻoku haohaoa, pea ko e ngaahi tokoua mo e tuofāfine kotoa kitautolu. Naʻe faʻu ʻe he Tamai Hēvaní ha palani ke tokoniʻi ai kitautolu ke tau tupulaki pea hoko ʻo tatau mo Ia. Naʻá Ne fekauʻi mai ʻa Sīsū Kalaisi ke tokoniʻi kitautolu ke tau foki hake kiate Ia.

Ka ko e tokolahi taha ʻo e fānau ʻa e Tamai Hēvaní ʻoku ʻikai ke nau ʻilo fekauʻaki mo ʻEne palaní. ʻOku ʻikai ke nau ʻilo fekauʻaki mo Sīsū Kalaisi. ʻOku ʻikai ke nau ʻilo ʻe lava ke papitaiso pe silaʻi kinautolu ki honau ngaahi fāmilí.

ʻOku finangalo ʻa e Tamai Hēvaní ke tau tokoni ke tānaki ʻEne fānaú kae lava ke nau foki ki ʻapi kiate Ia. Pea te ke lava ʻo tokoni, ʻo kamata ʻi hoʻo ngaahi kuí.

ʻE fakamālō atu ʻa e Tamai Hēvaní ʻi hoʻo tokoni ke tānaki Hono fāmilí.

Ko ha ngaahi founga ʻeni te ke lava ai ʻo tokoni ke tānaki e fāmili ʻo e Tamai Hēvaní:

coloring page of children looking at family photos

Fakatotoloʻi hoʻo hisitōlia fakafāmilí. Kumi ha kakai ʻoku nau kei fie maʻu pē ʻa e ngaahi ouau fakatemipalé, hangē ko e papitaisó mo e silá.
Maʻu ha lekomeni temipale ʻi he taimi ʻokú ke lahi feʻunga aí.
Fakahoko ʻa e papitaiso ʻi he temipalé ʻi he taimi te ke lava aí.

Tānaki Hoʻo Ngaahi Kuí

Te ke tokoniʻi fēfē nai hoʻo ngaahi kuí?

Ngaahi tā fakatātā ʻa Josh Talbot