Mālō e lelei mei Kuatemala!

Kau fakataha mo Mākou mo Paolo ʻi heʻena fononga he māmaní ke ako fekauʻaki mo e fānau ʻa e Tamai Hevaní.

ʻOku tuʻu ʻa Kuatemala ʻi ‘Amelika Lotoloto. ʻOku nofo ai ha kakai ʻe meimei toko 17 miliona.

Fakafiefia ʻi Tuʻá

ʻOku vaʻinga fakataha ʻa e tamaiki ko ʻení lolotonga ha kiʻi mālōlō ʻi he akó. Ko e hā e vaʻinga ʻokú ke saiʻia taha ai ke vaʻinga ʻi tuʻá?

ʻOkú ke tokoni fēfē nai ʻi ʻapí? ʻOku tokoni ʻa e kiʻi taʻahine ko ʻení ki hono fāmilí ʻaki ʻene tānaki ʻa e fuaʻimoá.

ʻOku ngaohi ʻa e sitiu ko ʻení ʻaki ʻa e kakanoʻi manu, sipaisi, mo e vesitapolo. ʻOku maʻu ia mei he kakai Meini ʻo e kuonga muʻá.

Ko e malimipá ko e meʻangāue fakafonua ia ʻa Kuatemala. ʻOkú ke tā ia ʻaki haʻo taaʻi ʻa e ngaahi pā papá ʻaki ʻa e fanga kiʻi hāmala papá.

ʻOku ʻi ai ha temipale ʻe ua ʻi Kuatemala, mo ha temipale kehe ʻe ua ʻoku kei langa. Ko e temipale ʻeni ʻi Ketisalatenanikoó.