ʻAonga ʻo e Ngāué

Fai ʻe ʻEletā Alfred Kyungu

ʻO e Kau Fitungofulú

Mei ha ʻinitaviu mo Richard M. Romney.

Boy farming, then reading, then standing on top of a pile of books

Naʻe ʻi ai ha taimi ʻi heʻeku kei siʻí naʻe ʻikai ha paʻanga ʻeku ongomātuʻá ke totongi ʻaki ʻeku akó, ko ia naʻe ʻikai leva ke u toe ʻalu ki he kalasí.

Hili ha taʻu ʻe taha mei ai, naʻe talamai ʻe heʻeku tamaí te u lava ʻo foki ki he akó kapau te mau maʻu ha paʻanga feʻunga mei heʻemau fāmá. Naʻa mau ngāue mālohi kotoa. Hili ha taʻu ʻe ua ʻo ʻemau feingá, ne mau maʻu ha paʻanga feʻunga ke u lava ʻo toe ʻalu ki he akó.

Naʻe akoʻi au ʻe he meʻá ni ko e akó ʻoku mahuʻinga ke ngāue ki ai. ʻOku mahuʻinga ʻa e akó. ʻI he taimi ʻokú ke ʻi he akó aí, ʻoku totonu ke ke ngāue mālohi mo ako ʻa e meʻa kotoa pē te ke lavá.

Naʻá ku kau kimui ange ki he Siasí. Naʻá ku ʻiloʻi ʻoku toe akoʻi foki kitautolu ʻe he ʻEikí ʻoku mahuʻinga ʻa e akó. ʻOku akoʻi ʻe he folofolá te tau lava ʻo ʻave ha meʻa pē te tau ako ʻi he moʻuí ni mo kitautolu ki ʻitāniti (vakai, Tokāteline mo e Ngaahi Fuakava 130:18–19).

ʻOku ou houngaʻia ʻi heʻeku ako ke ngāue mālohi ki heʻeku akó. ʻOku ou lotua te mou takitaha maʻu e ako kotoa te mou lavá. Te ke lava leva ʻo fakaʻaongaʻi hoʻo ʻiló ke tokoniʻi e niʻihi kehé.

Tā fakatātaaʻi ʻe Shellene Rodney