Duart Ndihmëtare nëpër Botë
Njihu me Karmenin nga Libani
Njihu me fëmijë të Fillores që po i ndihmojnë të tjerët ashtu siç bëri Jezusi.
Gjithçka rreth Karmenit
Mosha: 8 vjeçe
Nga: Siria por tani jeton në Liban
Gjuhët: arabisht, anglisht
Synimet dhe ëndrrat: 1) Të vizitojë tempullin. 2) Të bëhet artiste. 3) Të shërbejë në një mision.
Familja: Karmeni ka dy motra më të mëdha dhe një vëlla më të madh.
Duart Ndihmëtare të Karmenit
Karmeni dhe nëna e saj jetojnë në Liban, por ato më parë jetonin në Siri. Edhe fqinjët e tyre janë nga Siria. Dhjetorin e shkuar, Karmeni donte të bënte diçka të mirë për ta. Çdo ditë deri në Krishtlindje, Karmeni bleu diçka të vogël në dyqan. Ajo i vuri ato të gjitha në një kuti. Pas 25 ditësh kutia ishte plot. Në ditën e Krishtlindjes, Karmeni ua çoi kutinë fqinjëve të saj. Ata ishin kaq mirënjohës. Karmeni thotë që shërbimi i saj e ndihmoi të kujtonte shërbimin që dha Jezu Krishti. “Kur tregojmë dashuri për të tjerët”, – thotë Karmeni – “ne e ndiejmë dashurinë e Perëndisë.”
Gjërat e Parapëlqyera të Karmenit
Vendi: Plazhi
Historia rreth Jezusit: Kur Jezusi eci mbi ujë
Kënga e Fillores: “Ati Im Qiellor më Do” (Libri i Këngëve të Fëmijëve, f. 16–17)
Ushqimet: Makaronat orientale, akulloret me fruta, arra dhe krem
Ngjyra: Vjollcë e çelët
Lënda në shkollë: Lëndët shkencore
Ilustrimet nga Svetla Radivoeva