Ko e Kau Paionia ʻi he Fonua Kotoa Pē

Ko e Ako ‘a Sieko Fekau‘aki mo Sīsuú

Fai ʻe Lusi Sitīvenisoni ʻIueli

ʻŪ Makasini ʻa e Siasí

(Makatuʻunga ʻi ha talanoa moʻoni)

Na‘e ongo‘i ‘e Sieko ha me‘a makehe ‘i hono lotó.

1. Map of Hawaii 2. The two temples show in the layout 3. Yellow Hibiscus 4. Chieko’s family. Chieko, husband and two sons. 5. Chieko as a teacher 6. Chieko speaking from pulpit as a church leader. 7. Illustration of Chieko as a child, dressed as an angel. 8. Church group putting on a nativity play. 9. Baby Jesus in a manger.

Naʻe fakatokaleleiʻi ʻe Sieko hono kofu molū, mo hinehiná. Ko ia ʻa e ʻāngelo ʻi he tulama ʻAloʻi ʻo e Kilisimasí, pea naʻe teu ke kamata ʻa e fakaʻaliʻalí.

Naʻe ʻikai ke fuʻu ʻilo lahi ʻa Sieko ki he Kilisimasí pe ko Sīsū. Naʻe haʻu hono fāmilí ki Hauaiʻi mei Siapani, pea naʻa nau lotu faka-Puta. Ka naʻe kole ange ʻe he pule ʻo ʻene tamaí ke ne kau ʻi he tulamá, pea naʻá ne fiefia ke kau ki ai. Naʻá ne ngāue mālohi ke ako e ngaahi leá.

Naʻe pehē ange ʻe Sieko ʻi heʻene tuʻu ʻi he funga siteisí, “ʻOua ʻe manavahē. He kuo ʻaloʻi kiate kimoutolu ʻi he ʻahó ni, ʻi he kolo ʻo Tēvitá, ʻa e Fakamoʻuí, ʻa ia ko Kalaisi ko e ʻEikí.” Naʻá ne saiʻia ke kau ʻi he tulama ko ʻení.

Hili ha ngaahi taʻu siʻi mei ai, naʻe fetaulaki ʻa Sieko mo ha kau faifekau. Naʻa nau haʻu mei he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. Naʻa nau fehuʻi ange, “Te ke fie haʻu ki he lotú ke ako lahi ange fekauʻaki mo Sīsū Kalaisi?”

Naʻe manatuʻi ʻe Sieko ʻene konga ʻi he tulama Kilisimasí. Ko hai ʻa Sīsū? ko ʻene fakakaukaú ia. Naʻá ne loto ke ako lahi ange.

ʻI heʻene aʻu ki ʻapí, naʻe kole ange ʻe Sieko ki heʻene ongomātuʻá pe ʻe lava ke ne ʻalu mo e ongo faifekaú ki he lotú. Naʻe pehē ange ʻe Mama, “ʻOku ʻikai ke u ʻilo pe ko e hā ha ʻuhinga ke taʻofi ai. Kehe pē ʻokú ke kei haʻu pē ki he temipale Putá mo kimautolu.”

Naʻe ako ʻe Sieko ʻi he lotú ha ngaahi hiva foʻou mo maʻu ha ngaahi kaungāmeʻa foʻou. Naʻá ne ʻilo ʻi he Lautohi Faka-Sāpaté ko Sīsū Kalaisí ko e ʻAlo Ia ʻo e ʻOtuá. Koeʻuhí ko Iá, te ne lava ʻo fakatomala pea toe nofo mo e ʻOtuá ʻi ha ʻaho. Naʻe ongoʻi ʻe Sieko ha meʻa makehe ʻi hono lotó. Naʻá ne ʻiloʻi naʻe moʻoni ʻa Sīsū.

Ne ʻosi mei ai ha ngaahi taʻu. ʻI he uike kotoa pē, naʻe ʻalu ʻa Sieko ki he temipale Putá mo hono fāmilí. Pea ʻi he Sāpate kotoa pē, naʻá ne ʻalu ai ki he lotú.

ʻI hono taʻu 15, naʻe loto ʻa Sieko ke papitaiso. Naʻá ne kiʻi ilifia ke kole ki heʻene ongomātuʻá. Ka naʻá na poupouʻi ia. Naʻe pehē ange ʻe Papa, “ʻOku mau ʻilo te ke lava ʻo hoko ko ha ʻofefine lelei mo ha Kalisitiane lelei foki.” Naʻe fuʻu fiefia ʻaupito ʻa Sieko!

ʻI heʻene tupu haké, naʻe kei muimui pē ʻa Sieko ʻia Sīsū. Taimi ʻe niʻihi naʻe angakovi ange ʻa e kakaí kiate ia koeʻuhí ko ha Siapani ia. Ka naʻe ʻikai ke tuku ia ʻe Sieko ke taʻofi ai ia. Naʻá ne angaʻofa ki he tokotaha kotoa pē.

ʻI hono taʻu 63, naʻe ui ʻa Sieko ke hoko ko ha konga ʻo e Kau Palesitenisī Lahi ʻo e Fineʻofá. Naʻá ne ʻaʻahi ki he kāingalotu ʻo e Siasí ʻi he funga ʻo e māmaní. Naʻá ne vahevahe ʻa e ʻofa ʻa e Fakamoʻuí.

Naʻe toe lea foki ʻa Sieko ʻi he konifelenisi lahí. Naʻá ne pehē, “Tuku ke tau haʻu kia Kalaisi. “Ke tau fiefia ʻiate Ia, ko e tokotaha ʻokú ne foaki ʻa e ngaahi meʻa lelei kotoa pē.”*

Ko Hauaiʻí ko ha ʻotu motu ia ʻi he Tahi Pasifikí. Ko ha konga ia ʻo ʻAmelika Lahi.

‘Oku ʻi ai ha temipale ʻe ua ʻi Hauaiʻi.

Ko e matalaʻiʻakau fakasiteiti ʻa e siteiti ʻo Hauaiʻí ko e kaute engeengá.

Naʻe ʻi ai hono ongo foha ʻe toko ua mo hono husepāniti ko ʻEtuaté.

Naʻá ne hoko ko ha faiako mo ha puleako ia.

Lolotonga ʻene ngāue ʻi he Siasí, naʻá ne fai ha ngaahi malanga ʻi he lea faka-Pilitāniá, faka-Siapaní, faka-Kōleá, faka-Tongá mo e faka-Sipeiní.

Page from the December 2022 Friend Magazine.