Pe’e ia Iesu i Peretāne
Farerei ia Lucia, Vivie ’e Zac !
Nō ni’a ia rātou
I’oa : Lucia, 7 matahiti ; Vivie, 9 matahiti ’e Zac, 9 matahiti
Nō ’ō mai i : Herefordshire, Peretāne
Reo: Peretāne
Te mau fā ’e te mau moemoeā : ’Ia riro ’ei hoa maita’i (Lucia), ’ia tāmau ’ā’au i te mau hīro’a fa’aro’o (Vivie), ’e ’ia tauturu i te tahi atu mau tamari’i i roto i te tū’aro (Zac)
’Utuāfare : E taea’e ’e e tuahine ’o Lucia ’e ’o Zach, e fēti’i ’o Vivie nō rāua
Tē nāhea ra rātou i te pe’e ia Iesu
« Tē ora nei tō mātou ’utuāfare i te hō’ē ā fare fa’a’apu ’e tō mātou Māmā’ū ’e nā Pāpā’ū », tē parau ra ’o Lucia. « E mea rahi te ’ohipa e rave, e mana’o maita’i rā tē tupu ’ia tāvini ana’e mātou. ’Ua ’ite mātou ē, tē hina’aro nei Iesu ’ia tāvini atu mātou. »
« E tauturu mātou ’ia Māmā’ū ’ia ha’apa’o i te mau pōnē », tē parau ra Vivie. « E arata’i mātou ia rātou i roto i te ’āua nō te ’amu’amu i te ’aihere. E tāmā mātou i tō rātou ’āua, e pāhere i tō rātou huruhuru, e fa’a’amu ia rātou ’e e fa’a’ī i tā rātou pape. E mea au nā mātou ’ia tauturu ia Māmā’ū. »
Tē pe’e nei Zac ia Iesu nā roto ato’a i te tāvinira’a. « ’Ua tāpūhia te rima o tō mātou Tupuna tāne. E’ita tāna e nehenehe e ha’apa’o i tāna fa’a’apu. ’Ua tauturu tō’u ’utuāfare, to’u mau taea’e fēti’i ’e to’u nā pāpā rū’au ’e māmā rū’au ’ia tāpū ’e ’ia hutihuti i te ’aihere. ’Ua ’oa’oa roa ïa ’o Pāpā’ū ! »
Tā rātou mau mea au roa a’e
Vāhi : E mea au nā Lucia ’e Vivie ’ia fa’aea i pīha’i iho i te mau pua’ahorofenua
Te ’ā’amu o te pāpa’ira’a mo’a : E mea au roa nā Zac te ’ā’amu nō Iesu tei haere nā ni’a i te pape
Te mā’a hotu ’e te mā’a tupu : Te vī (Lucia), te ’ūmara (Vivie), te broccoli (Zac)
Te ’ū : Vare’au (Lucia), nīnamu matie (Vivie), ’e re’are’a (Zac)
Te tumu parau ha’api’ira’a : Te anoihi (Lucia ’e Vivie) ’e te tua’ā’ai (Zac)
Fa’ahōho’ara’a nā Lucy Semple Deakin