Te hoa i te hoa
Tauturu i te ’ohipa a te Metua i te ao ra
Tuahine Susan H. Porter
Peresideni rahi nō te Paraimere
Nō roto mai i te hō’ē uiuira’a ’e ’o Richard M. Romney.
’Ua ’ite ānei ’outou ē, tē anihia ra ’outou ’ia tauturu i te Metua i te ao ra i roto i tāna ’ohipa faufa’a rahi ? Taua ’ohipa ra ’o te tauturura’a ïa i tāna mau tamari’i ato’a ’ia ho’i mai ’e ’ia ora i pīha’i iho iāna (hi’o Mose 1:39). E tauturu ’outou nā roto i te ravera’a e maha mea : ora, aupuru, ani ’e tāhō’ē.
Ora i te ’evanelia a Iesu Mesia. E ora ’outou i te ’evanelia ’ia pe’e ’outou i te hi’ora’a o Iesu. E nehenehe ’outou e pure, e tai’o i te mau pāpa’ira’a mo’a ’aore rā te mau buka ’ā’amu o te pāpa’ira’a mo’a, e fa’a’ore i te hapa a vetahi ’ē, ’e e haere i te purera’a.
Aupuru i te feiā tei hina’aro i te tauturu. E nehenehe ’outou e pārahi i pīha’i iho i te hō’ē ta’ata mo’emo’e. ’Aore rā e nehenehe tā ’outou e pi’i i te hō’ē hoa tei ma’ihia ’e ’ia fa’aitoito ia rātou.
Ani ia vetahi ’ē ’ia fāri’i i te ’evanelia. E nehenehe ’outou e ani i te mau hoa ’ia haere mai i te purera’a ’aore rā i te hō’ē ’ātivite Paraimere. E nehenehe ’outou e ani i te mau hoa ’ia haere mai i tō outou bāpetizora’a.
Tāhō’ē i te mau ’utuāfare ē a muri noa atu. E nehenehe ’outou e paraparau i tō ’outou nā metua tupuna nō te ha’api’i mai nō ni’a i tō rātou orara’a. E nehenehe ’outou e riro ’ei ta’ata fa’atupu hau i roto i tō ’outou ’utuāfare. E nehenehe ’outou e fa’aineine ia ’outou iho nō te haere i te hiero.
Tē parau fafau atu nei au ē, e fāri’i ’outou i te ’oa’oa ’a tāmata ai i te ora, i te aupuru, i te ani ’e i te tāhō’ē i te fare, i te fare ha’api’ira’a ’e i te Paraimere. ’Ua here te Metua i te ao ra ia ’outou ! ’E e nehenehe tā ’outou e tauturu i tāna ’ohipa faufa’a rahi.
Faʼahōho’araʼa nā Augusto Zambonato