’Ia ora na mai Peretāne atu !

Ha’api’i mai nō ni’a i te mau tamari’i a te Metua i te ao ra ’ati a’e te ao nei.

Panel 3 of 12 1. Red, double decked bus. 2. Windsor Castle 3. United Kingdom Flag and Great Brittan 4. Flag 5. Shakespeare talking with a speech bubble 6. English ship from the 1800s with pioneers on it. 7. Preston England Temple with a family walking in front of it. Girls in dresses and boys in white shirts and ties and slacks. 8. London England Temple 9. Cheese wheel with a ball 10. Plate of Veg and Egg Muffins 11. Cheese wedge and a container of milk. 12. British Flags.

Peretāne, e fenua ïa nō te mau pae tō’o’a o te rā nō Europa. E tuha’a te reira nō te Fenua Peretāne rahi. Hau atu i te 50 mirioni ta’ata e ora nei i reira.

Te mau pionie mātāmua

Pioneers standing in front of a boat

’Ua tae mai te mau misiōnare mātāmua i Peretāne i te matahiti 1837. E rave rahi ta’ata tei bāpetizohia ’e ’ua tere atu i Marite. I teienei tē vai nei fātata e 150 000 melo nō te ’Ēkālesia i Peretāne !

Te reo peretāne

hakespeare talking with a speech bubble

Nō Peretāne mai te ta’ata pāpa’i ra ’o William Shakespeare. ’Ua hāmani ’oia e rave rahi hānere ta’o peretāne. I teie mahana, fātata e 1,5 miria ta’ata e paraparau nei i te reo peretāne.

E fenua aora’i

Windsor Castle

E rave rahi hānere aora’i i Peretāne. ’Ua patuhia te aora’ai nō Windsor i te 11 tenetere, ’o te aora’i tahito roa a’e ïa e nohohia ra e te ta’ata.

Tere nā Lonedona

A red double-decker bus

’O Lonedona (Peretāne), te ’oire pū nō te Fenua Peretāne rahi, hō’ē o te mau oire rahi roa’e i Europa. E rave rahi pere’o’o mata’eina’a ’ute’ute ’e te teitei, nō te tauturu i te ta’ata ’ia teretere nā reira.

Piti hiero nehenehe

Preston England Temple and London England Temple with a family walking in front of it. Girls in dresses and boys in white shirts and ties and slacks.

I Peretāne, e hiero i Preston ’e i Lonedona.

Fa’a’ohu noa atu i te reira !

Cheese wheel with a ball.

E peu ’ārearea tā te ta’ata i Gloucester (Peretāne). I te mau matahiti ato’a, e fa’a’ohu rātou i te hō’ē huira pata pa’ari mai ni’a mai i te hō’ē ’āivi ’a horo atu ai nā muri. Te ta’ata mātāmua e tāpae i raro, ’ua rē ïa ’oia i te pata pa’ari.

E nehenehe tā ’outou e fa’atupu i tā ’outou iho horora’a. E fa’a’ohu e piti pōpō nā ni’a mai i te ’āivi. E aha te pōpō e tāpae nā mua i raro ? Tāmata i te tai’o i te mau tetoni e tāpae ai i raro.

Fa’aea-pūai-noa-ra’a

Cheese wedge and a container of milk.

E hāmanihia te pata pa’ari i te ū, ’ua rahi ho’i te taratiumu i roto. Tītauhia te taratiumu ’ia pūai noa te mau niho ’e te mau ivi ! E noa’a ato’a te taratiumu i roto i te rau’ere matie, te tofu, te huero pipi ’e te tahi atu mā’a.

Muffin pota ’e te huero moa

Plate of Vegetables and Egg Muffins.

1. Fa’arapu e 4 huero moa.

2. ’Āno’i i te tahi pota tāpūpūhia (mai te fāfā papa’ā, te ’ōporo mā’aro ’e te pota tiare matie). 

3. Tu’u i te hinu i roto i te hō’ē pāni muffin ’e mani’i i te mea i fa’arapuhia i te huero moa i roto i te fāri’i tāta’itahi.

4. Tūtū i te tahi pata pa’ari tei orohia nā ni’a i te muffin tāta’itahi.

5. Tunu i te ahu 350°F (175°C) e 10–15 min te maoro.

Māuruuru ia Lucia, Vivie ’e Zac nō te hōro’ara’a mai i teie parau hāmani !

E nehenehe e fārerei ia rātou i te ’api 14.

Fa’ahōho’ara’a nā Raquel Martín