’Ia ora na mai Peretāne atu !
Ha’api’i mai nō ni’a i te mau tamari’i a te Metua i te ao ra ’ati a’e te ao nei.
Peretāne, e fenua ïa nō te mau pae tō’o’a o te rā nō Europa. E tuha’a te reira nō te Fenua Peretāne rahi. Hau atu i te 50 mirioni ta’ata e ora nei i reira.
Te mau pionie mātāmua
’Ua tae mai te mau misiōnare mātāmua i Peretāne i te matahiti 1837. E rave rahi ta’ata tei bāpetizohia ’e ’ua tere atu i Marite. I teienei tē vai nei fātata e 150 000 melo nō te ’Ēkālesia i Peretāne !
Te reo peretāne
Nō Peretāne mai te ta’ata pāpa’i ra ’o William Shakespeare. ’Ua hāmani ’oia e rave rahi hānere ta’o peretāne. I teie mahana, fātata e 1,5 miria ta’ata e paraparau nei i te reo peretāne.
E fenua aora’i
E rave rahi hānere aora’i i Peretāne. ’Ua patuhia te aora’ai nō Windsor i te 11 tenetere, ’o te aora’i tahito roa a’e ïa e nohohia ra e te ta’ata.
Tere nā Lonedona
’O Lonedona (Peretāne), te ’oire pū nō te Fenua Peretāne rahi, hō’ē o te mau oire rahi roa’e i Europa. E rave rahi pere’o’o mata’eina’a ’ute’ute ’e te teitei, nō te tauturu i te ta’ata ’ia teretere nā reira.
Piti hiero nehenehe
I Peretāne, e hiero i Preston ’e i Lonedona.
Fa’ahōho’ara’a nā Raquel Martín