Faufa’a ’Āpī

Mau ’ohipa Mai, pe’e mai e rave nō te tamari’i ri’i

A brother and sister play with sticks and dead grass while playing outside.

Nō te Mataio 1 ; Luka 1

Fa’ata’a ē, te Faufa’a ’Āpī nō ni’a ïa ia Iesu. E ha’api’i tātou i te parau nō tōna i’oa i roto i te pene mātāmua roa (hi’o Mataio 1:21). Pāpa’i i te parau Iesu Mesia i ni’a i te hō’ē ’api parau ’e hōro’a i tā ’oe tamari’i i te mau tauiha’a nō te fa’anehenehe i te ’api parau !

Nō te Mataio 2 ; Luka 2

Fa’a’ite i te hōho’a nō te Fānaura’a e ’itehia ’o Iesu, ’o Maria ’e ’o Iosepha. Fa’ata’a ē, e ’aiū ato’a na Iesu. Parau ia rātou ē, i here rahi tōna nā metua iāna—mai tā ’outou e here nei ia rātou. Tauahi i tā ’outou mau tamari’i ri’i ma te parau e aha tā ’outou e au nei nō ni’a ia rātou.

Nō te Ioane 1

Hāhaere ’outou tā ’outou mau tamari’i ri’i nā rāpae. Hi’o i te mau mea fa’ahiahia i roto i te nātura—mai te mau tumu rā’au, te mau manu, te mata’i, ’e te ra’i. Vaiiho i tā ’outou mau tamari’i ’ia ’ohi mai i te tahi ’ōfa’i, ’aore rā ’ia hau’a i te tahi tiare. ’A parau ia rātou : « ’Ua here Iesu ia ’oe ’e ’ua hāmani i teie ao nehenehe nō ’oe. »

Nō te Mataio 3 ; Mareko 1 ; Luka 3

Hīmene i te hīmene « When Jesus Christ Was Baptized » (Children’s Songbook, 102). Fa’ata’a ē, ’ua bāpetizohia Iesu nō te ha’apa’o i te parau a te Metua i te ao ra. ’Ia tae i te hō’ē mahana, e nehenehe tā ’outou mau tamari’i ri’i e mā’iti ia bāpetizo ato’a ia rātou ! Fa’ati’a i tā ’outou mau tamari’i i te parau nō tō ’outou bāpetizora’a. Nō te aha e ’ohipa ta’a ’ē te reira nō ’outou ?