Nō roto mai i te Peresidenira’a Mātāmua
’O Iesu tō tātou māramarama
Tīpe’ehia mai i roto i te parau « The Light and Life of the World », Ensign, Novema 1987, 63–66.
I muri a’e i tōna ti’afa’ahoura’a, ’ua haere Iesu e fārerei i te tahi mau ta’ata i Amerika. Ma te ’ahuhia i te ’ahu roa ’uo’uo, ’ua pou mai ’oia mai te ra’i mai. ’Ua fa’atoro ’oia i tōna rima ma te parau ē : « Inaha, ’o vau nei ’o Iesu Mesia… ’O vau nei te māramarama ’e te ora o teie nei ao (3 Nephi 11:10–11).
’O Iesu te māramarama o teie nei ao nō te mea tē tūrama nei tāna mau ha’api’ira’a ’e tōna hi’ora’a maita’i i tō tātou ’ē’a ho’ira’a i te Metua i te ao ra ra.
Tūrama i tō tātou ’ē’a
’Ua fa’a’ite mai te peresideni Oaks e toru rāve’a Iesu e tūrama nei i tō tātou ’ē’a. ’A ’imi i te ’īrava pāpa’ira’a mo’a e tū’ati i te rāve’a tāta’itahi.
-
Tē fa’a’ite nei tōna hi’ora’a ia tātou i te mea e rave.
-
Tē tauturu nei ’oia ia tātou ’ia ’ite e aha te tano ’e e aha te hape.
-
Tē tauturu nei tōna mana ia tātou ’ia hina’aro i te maita’i.
-
Tē arata’i nei tōna māramarama ia tātou i roto i te mau tau fifi.
Hōho’a peni nā John Scott ; fa’ahōho’ara’a nā Shawna J. C. Tenney