Ha’amana’o nā muri ia Māmā’ū

Nā Jane McBride

(Nō roto mai i te hōʼē ʼāʼamu mau)

Nō te aha ’aita ’o Mari i fa’a’oroma’i atu ā i tōna Māmā’ū ?

Panel 1 of 3 1. Illustrated background with flowers. 2. Mari is sitting on a couch alone and looks back at her grandmother. She is sad or irritated. Her grandmother is walking away. 3. Mari and her grandmother are sitting on a couch together and are happy.

Tu’atu’a te mata o Mari. E nā ni’a iho noa Māmā’ū i tāna ’ā’amu. Fa’ahou ā.

E rave rahi ’āva’e i teienei tō Māmā’ū haerera’a mai e ora i roto i te ’utuāfare o Mari. E mea here roa ’o Mari iāna, e mea huru fiu rā i te tahi taime e fa’aea i pīha’i iho iāna. Terā noa ’ā’amu tāna e fa’ati’a mai, nā ni’a iho noa. I te tahi taime e ha’amata fa’ahou ’oia i tāna ’ā’amu, ’aita rā i hope i te fa’ati’ahia.

’Ua mutamuta ’o Mari. E parau ’oia : « E Māmā’ū, ’ua fa’ati’a a’ena ’oe i teie ’ā’amu. »

E hi’o Māmā’ū i raro. « ’A ’ē ? »

« ’Ē », e pāhono Mari. « Nō fa’ati’a noa mai ’oe ’a ma’a minuti noa. »

« ’Aita vau e ha’amana’o ra », te parau a Māmā’ū. E hi’o ’oia ma te ’oto ’e te ta’a ’ore. E ti’a ’oia i ni’a ’e e hāhaere ’oia i roto i tōna piha.

’Oto Mari nō te mea ’ua riri Māmā’ū iāna. Mai te taime mai ā ’a pohe ai ’o Pāpā’ū, e ’aromo’e noa ’o Māmā’ū i te mau mea. I te hō’ē taime, ’ua mo’e iāna i te tūpohe i te umu, ’e ’ua ha’amata te fare tūtu i te ura. Nō reira Māmā ’e Pāpā i rave mai iāna i te fare.

Teie ’o Mari ’e ’o Pāpa i roto i te fare tūtu. « E mea here roa vau ia Māmā’ū, e mea huru fiu rā ’ia fa’aro’o i te hō’ē ā ’ā’amu. Nō te aha e mo’ehia iāna ē ’ua fa’ati’a a’ena mai ’oia i terā ’ā’amu e fea miriōni taime ? »

’Ua ’ata ’o Pāpā. « E ’ere paha ïa e miriōni taime. ’Ua ’ite rā vau ē, e mea pa’ari. E ma’i tō tō ’oe māmā rū’au i te roro, e ’aromo’e iāna te mau mea. ’O te mau ’ā’amu tāna rāve’a nō te tāmata i te ha’amana’o ’o vai ’oia. »

Haru a’era Mari i tōna upo’o. Nō te aha pa’i ’aita ’oia i fa’a’oroma’i atu ā i tōna Māmā’ū ? I rave noa ho’i tōna Māmā’ū iāna ma te here. E pi’i ’oia iāna ’o « Mari iti ē ». ’Ua feruri ’o Mari i te taime ’ua tauturu ’oia ia Māmā’ū e tanu i te tiare ’e e huti i te ’aihere.

Pātōtō atu ra Mari i te ’ōpani o Māmā’ū.

« Haere mai », te parau ïa a Māmā’ū.

’Īriti a’era ’o Mari i te ’ūputa. Tē pārahi ra ’o Māmā’ū i ni’a i te pārhaira’a ma te mau pāpa’ira’a mo’a i ni’a i tōna ’āva’e.

« Māmā’ū, e nehenehe ānei tā ’oe e fa’ati’a mai ’ua nāhea ’ōrua Pāpā’ū i te tomora’a i roto i te ’Ēkālesia ? » ’Ua ui atu Mari.

Hi’o atu ra Māmā’ū iāna. « ’Ua hina’aro ’oe e fa’aro’o i tō māua Pāpā’ū ’ā’amu ? », ’ua ui atu ’oia ma te reo ’ana’anatae.

Pārahi iho ra Mari i pīha’i iho ia Māmā’ū. « ’Ē. ’Ua hina’aro e fa’aro’o i te ’ā’amu tā’āto’a. » Tāpe’a a’era ’o Mari i te rima o tōna māmā’ū. « E ta’ata ta’a ’ē mau ’oe nō’u, e Māmā’ū. E vai noa oe ’ei ta’ata ta’a ’ē mau. »

Panel 3 of 3 1. Illustrated background with flowers. 2. Mari is sitting on a couch alone and looks back at her grandmother. She is sad or irritated. Her grandmother is walking away. 3. Mari and her grandmother are sitting on a couch together and are happy.

E mata ’ata’ata tō Māmā’u i terā taime, pārahi maita’i a’era i roto i tōna pārahira’a ’e ha’amata a’era i tāna ’ā’amu.

E rave rahi taime tō Mari fa’aro’ora’a i terā ’ā’amu, i teie rā taime, ’aita ’oia i fiu ’e i riri. ’Aita, ’ua tupu rā tōna mana’o here ’e te fa’ahiahia. I ’ite ’oia ē, ’ua fa’atusia rahi ’o Māmā’ū ’e ’o Pāpā’ū i te tomora’a rāua i roto i te ’Ēkālesia i Heremani. ’Ua fa’aru’e rāua i tō rāua fare nō te tāpiri mai i te tahi atu mau melo o te ’Ēkālesia.

Fa’aoti a’era Māmā’ū i te ’ā’amu, e mata ’ata’ata tōna. « E tamāhine maita’i ’oe e Mari. »

Haru a’era Mari i tōna māmā’ū i roto i tōna rima. « Māuruuru Māmā’ū. ’Ua here au ia ’oe ».

’Ua tupu teie ’ā’amu i te Fenua Marite.

Page from the January 2023 Friend Magazine. Remembering with Grandma

Faʼahōho’araʼa nā Melissa Manwill