Kveðja frá Englandi!

Lærið um börn himnesks föður víða um heim.

England er land í Vestur-Evrópu. Það er hluti af Bretlandi. Meira en 50 milljón manns búa þar.

Fyrstu Brautryðjendur

Fyrstu trúboðarnir komu til Englands árið 1837. Margir létu skírast þar og fóru síðan til Bandaríkjanna. Nú eru kirkjumeðlimir í Englandi næstum 150.000 talsins!

Tungumálið enska

Rithöfundurinn William Shakespeare var frá Englandi. Hann bjó til hundruð enskra orða. Í dag tala næstum 1.5 milljarður ensku.

Konunglegt heimili

Í Englandi eru hundruð kastalar. Windsor-kastalinn var byggður á 11. öld og er elsti kastalinn sem fólk býr enn í.

Farið umhverfis London

London, Englandi, er höfuðborg Bretlands og ein stærsta borg Evrópu. Það má finna marga há, rauða strætisvagna sem gera fólki kleift að ferðast um.

Tvö falleg musteri

Í Englandi eru musteri í Preston og London.

Hlaupið bara á eftir því!

Íbúar í Gloucester, Englandi, hafa skemmtilega hefð. Á hverju ári rúlla þeir ostahjóli niður hlíð og hlaupa á eftir því. Sá fyrsti sem nær niður hlíðina fær ostinn sem vinning.

Þið getið farið í ykkar eigin keppni. Látið tvo bolta rúlla niður hlíð. Hvaða bolti kemur fyrstur niður? Reynið að telja sekúndurnar sem það tekur að komast þangað.

Viðhalda styrknum

Ostur er búinn til úr mjólk sem er rík af kalsíum. Þið þurfið kalísum til styrkja bein og tennur! Þið getið líka fengið kalsíum úr grænu salati, tofu, hnetum, baunum og öðrum matartegundum.

Grænmetis- og eggjamúffur

1. Þeytið saman 4 egg.

2. Blandið við nokkuð af niðurskornu grænmeti (eins og spínati, papriku og spergilkáli). 

3. Olíuberið múffubakka og hellið nokkuð af eggjablöndunni í hvert hólf.

4. Stráið nokkuð af rifnum osti ofan á hverja múffu.

5. Bakið við 175°C í 10–15 mínútur.

Við þökkum Luciu, Vivie og Zac fyrir að deila þessari uppskrift!

Þið getið kynnst þeim á síðu 14.

Myndskreyting: Raquel Martín