“Ol Aktiviti blong Smosmol Wan blong Kam Folem Mi,” Fren, Maj 2023, 49.
Niu Testeman
Kam Folem Mi Ol Aktiviti blong Smosmol Wan
Blong Matiu 8; Mak 2–4; Luk 7
?Wanem samfala samting we i mekem ol smosmol wan blong yu oli stap fraet? Long wan kwaet fasin, tokbaot wan long ol fraet ia. Afta, helpem olgeta blong talem, “Taem mi mi fraet, Jisas i save helpem mi filim pis.”
Blong Matiu 9–10; Mak 5; Luk 9
Karem i kam tugeta ol emejensi aetem (fas aid kit) mo eksplenem olsem wanem oli yusum olgeta blong hilim yumi. Afta, eksplenem se, paoa blong Jisas Kraes blong hilim man i moa bigwan. Tokbaot wan long ol merikel long Matiu 9.
Blong Matiu 11–12; Luk 11
Mekem lis blong ol dei long wik blong ol smosmol wan blong yu. Talem nem blong wanwan dei laod, be talem long kwaet voes, toktok ia, “Sandei.” Eksplenem se Sandei i wan spesel dei blong stap revren mo tingbaot Jisas Kraes.
Blong Matiu 13; Luk 8; 13
Eksplenem se, longtaem i pas, ol pipol we oli stap fetful oli kam long Jisas blong harem ol stori blong Hem (luk long Matiu 13). Askem olgeta blong droem wan pikja blong ol pipol we oli stap lisin long Jisas.
Blong Matiu 14; Mak 6; Jon 5–6
Mekem rere wan swit we i helti blong ol smosmol wan blong yu. Tokbaot merikel blong ol bred mo ol fis (luk long Matiu 14:15–21). Helpem olgeta blong talem, “Jisas i save wanem we mi nidim mo i save helpem mi.”