“Jisas Kraes I Bin Kasem Baptaes,” Fren, Maj 2023, 24–25.
Ol Stori blong Jisas
Jisas Kraes I Bin Kasem Baptaes
Karemaot pej ia mo foldem long haf. Afta, leftemap pikja i go antap taem yu stap talem stori.
Peinting i kam long Greg Olsen
Jon Baptaes i bin wan profet. Hem i tijim ol pipol abaot Jisas Kraes. Wan dei Jon i stap baptaesem ol pipol long Jodan Reva. Afta, Jisas i bin kam. Hem i askem Jon blong baptaesem Hem.
Jisas i talem se Papa long Heven i givim komanmen long evri wan blong kasem baptaes. Hem i wantem blong obei long Papa long Heven. Hem i wantem soem wan eksampol long yumi.
Jon i baptaesem Jisas long Jodan Reva. Taem Jisas i kamaot long wota, ol pipol oli harem voes blong Papa long Heven. Hem i se, “Hemia i pikinini, we mi lavem tumas. Mi mi glad tumas long Hem”
Yumi save folem Jisas Kraes taem yumi kasem baptaes. Papa long Heven i hapi taem yumi folem Pikinini blong Hem.