Ol Aktiviti blong Kam Folem Mi

!Blong famli haos naet, skripja stadi, o blong gat wan gud taem!

Strong Win

Pikja i kam long Katy Dockrill

Blong Matiu 8; Mak 2–4; Luk 7

Stori: Ridim stori blong Jisas Kraes i mekem strong win i kam kwaet long pej 46 o long Mak 4:36–41. Tokbaot ol wei we Jeneral Konfrens i givim pis long yu.

Singsing: “Filim Lav blong Sevya” (Children’s Songbook, 74–75)

Aktiviti: Stanap long wan sekol mo holem ol saedsaed blong wan blanket. Putum wan balong long blanket mo sloslo saksakem balong raonraon, olsem ol wev oli stap saksakem wan sip long solwota. Mekem wan i talem afta narawan long grup blong talem se oli mekem spid, slodaon o “stap kwaet.”

Merikel Gem blong Stap Talem se I Tru O No

Blong Matiu 9–10; Mak 5; Luk 9

Stori: Jisas Kraes i mekem plante merikel. Hem i hilim wan man we i no save wokbaot. Hem i mekem wan gel we i bin ded i laef bakegen. Hem i hilim ol blaen man. (Luk long Matiu 9.) ?Wanem ol narafala merikel we Jisas i bin mekem?

Singsing: “Tell Me the Stories of Jesus” (Children’s Songbook, 57)

Aktiviti: Raetemdaon samfala merikel we Jeneral Konfrens i bin mekem long sam smol pis blong pepa mo putum olgeta long wan bolglas. Pikimap wan pepa, ridim merikel we i stap long hem, mo droem pikja blong merikel ia. !Ol narawan oli save talem se wijwan merikel ia!

Stap Wok Tugeta

Blong Matiu 11–12; Luk 11

Stori: Jisas Kraes i bin talem, “Yok ya we mi bambae mi putum long yufala, wok blong hem i isi nomo, mo ol samting we bambae mi givim long yufala blong yufala i karem, oli no hevi” (Matiu 11:30). Wan yok i helpem tu anamol blong pulum samting tugeta. Taem yumi jusum blong folem Jisas, Hem bae i helpem yumi long ol hadtaem blong yumi.

Singsing: “If the Savior Stood Beside Me” (ChurchofJesusChrist.org)

Aktiviti: Askem wan blong muvum wan samting we i hevi i go krosem rum. Afta, mekem hem blong muvum i gobak wetem help blong wan narawan. Tokbaot olsem wanem ol samting we yumi stap karem oli hevi oli kam isi, taem yumi tanem yumi mo lukluk i go long Sevya from help blong Hem.

!Raetem Parabol blong Yuwan!

Blong Matiu 13; Luk 8; 13

Stori: Jisas i tijim gospel mo yusum ol stori we oli singaotem ol “parabol.” Wan stori we Hem i talem i abaot wan smosmol sid we i save gro i kam wan bigfala tri (luk long Matiu 13:31–32). ?Wanem nao Hem i stap tijim? ?Wanem ol narafala parabol we Jisas i bin tijim?

Singsing: “If I Listen with My Heart” (ChurchofJesusChrist.org)

Aktiviti: Ol parabol oli save helpem yumi blong andastanem gospel moa gud. Tanem i go long pej 8 blong raetem parabol blong yuwan. Serem parabol blong yu wetem ol memba blong famli o ol fren blong yu.

Moa Bitim Inaf

Blong Matiu 14; Mak 6; Jon 5–6

Stori: Wan taem Jisas Kraes i spenem ful dei blong tijim ol pipol. Evriwan oli hanggre. Be oli gat faef bred mo tu fis nomo. Jisas i blesem bred mo fis, mo ol disaepol oli serem wetem ol pipol. !I bin gat inaf kaekae blong moa long 5,000 pipol! (Luk long Matiu 14:15–21).

Singsing: “Mi Traem blong Kam Olsem Jisas” (Liahona,Epril, 2012, pej 64)

Aktiviti: Mekem fevret resepi blong bred blong yu o traem wan long pej 8. Luksave olsem wanem wan samting we i smol olsem is i save mekem wan bred i kam mo bigwan. ?Long wanem wei nao Jisas i bin mekem ol smol efot blong yu i kam ol bigfala samting?

Go long pej 49 blong ol aktiviti blong Kam Folem Mi.