I Kam long Fas Presidensi

Pis we i kam tru long Sevya

I Kam long Presiden Henry B. Eyring

Blong Kworom blong Olgeta Twelef Aposol

Oli stretem aot long “Peace in This Life,” Liahona, Disemba 2016.

Ol pikja i kam long Dilen Mas

Sevya i talem, “Long wol ya bambae yufala i harem nogud tumas” (Jon 16:33). Hemia i minim se long wol ia, bae yumi gat sam hadtaem. Be tu, Hem i givim promes ia long yumi: “Mi mi putum pis blong mi i stap wetem yufala. Mi nomo mi givim pis ya long yufala” (Jon 14:27). Taem yumi stap folem Sevya, yumi save filim pis insaed long ol hadtaem blong yumi.

Taem yumi tekem sakramen, yumi stap promes blong oltaem tingbaot Sevya. Yu save tingbaot Hem tru ol wei we oli helpem yu blong filim kolosap long long Hem. Samtaem mi tingbaot we Hem i stap nildaon insaed long garen blong Getsemane. Samtaem mi pikjarem Hem we i stap singaotem Lasaros blong kamaot long tum. Taem mi mekem olsem, mi filim kolosap long Hem. Mi filim fasin blong talem tangkyu mo pis. Yu tu, yu save.

Jisas i promesem se taem yumi obei ol komanmen blong Hem mo folem Hem, Tabu Spirit bae i stap wetem yumi. Afta, bae yumi faenem pis, nomata wanem we i hapen long laef blong yumi.

Ol Stori blong Jisas

Presiden Eyring i bin talem se, hem i filim tangkyu mo pis taem hem i tingbaot Sevya insaed long garen blong Getsemane. ?Wanem ol stori blong Jisas we oli helpem yu blong filim kolosap long Hem?